Chapter Text
再次跟Marf見面，她依然沒有給我好面色看。
「唔好以為我哥同你復合我就會同你融洽相處，我哥接受返你係一件事，我接唔接受你係另一件事。」
見胞妹面色不善牢牢斜睨着我，阿駿即時擠身我們之間將我護在身後【咪咁啦筒】
Marf撇撇嘴兒不忿『說』若【哥，娛樂圈入面好多壞人㗎，嫖賭飲蕩吹樣樣都有，我驚你俾人呃俾人傷害咋】
跟上次在病房不同，這次讀懂他們對話的我即時為自己解釋辯護。
「我認同娛樂圈係個大染缸龍蛇混集乜人都有呢個講法，我自問亦唔係個唔煙唔酒嘅乖仔好仔，但我對阿駿絕對係出自真心真意，呢一點我會用時間同行動好好證明俾你睇。」
沒料到我居然懂得手語更反駁她剛才的暗下指責，Marf一時語塞。
瞧妹妹一臉難堪的模樣，阿駿適時打圓場並為我美言一番【前排阿廷特登抽時間去學咗手語啊。阿筒，我知你錫我緊張我，係，阿廷之前的確做過啲傷害我嘅行為，但嗰啲無非係健聽者對聽障人士唔了解嘅無心之失嚟，而家佢肯為咗我由零開始學睇學打手語，睇在呢份心意同努力份上你咪俾次機會佢囉。況且做娛樂圈唔一定都係壞人嚟嘅，你同Locker咪最好嘅例子囉，你話係咪？】
面對兄長循循善誘的溫柔哄勸，Marf鼓着臉腮半晌終不情不願回答【⋯好啦⋯我即管俾次機會佢啦⋯】隨後狠狠矋了我一眼憤然說道「我廢事我哥難做咋！」
雖然Marf這個『終極大佬』對我始終懷有天大的敵意與偏見，但這樣的發展於我而言已等同順利過關了。
復合後第二個星期，阿駿帶着我到一間醫療中心面見一位耳鼻喉專科醫生。
起初以為他身體不舒服緊張兮兮的我遭一秒否定後心想應該是例行耳朵檢查以調節助聽器功能吧？豈料坐進診症室後醫生卻告知我另一個意料之外的答案。
「人工耳蝸手術？」
「係啊，因為李生有意接受呢項手術，所以佢想我解釋埋呢項手術嘅目的、過程同相關風險俾你聽。」
我下意識望向身旁的阿駿，獲他對我點頭微笑的回應。
醫生清晰講解過整項手術的細節詳情並中肯給予過專業的醫學意見後，我和阿駿便回到候診室相議決定，此時我終於有機會詢問從剛才開始一直纏繞心中的疑惑。
【阿駿，你唔係一早習慣咗聽唔到嘢嘅生活呢咩？做咩無端端想去做呢個手術啊？】
阿駿牽過我的右手與我十指緊扣單手『說』若【因為我想親耳聽你唱嘅每一首好歌，亦想聽盡所有由你創作嘅出色音樂。】
阿駿⋯
縱然心裏萬分感動，可憶起醫生提及過的風險，我不禁惶恐心痛【但醫生話個手術有機會令你面部神經受損⋯仲有可能會長期耳鳴⋯你唔怕呀⋯？】
惟身為直接受害的當事人，阿駿卻表現得樂觀堅強【唔怕，只要你喺我身邊，我乜都唔怕】
被他的堅定與勇敢感染，我覆上他與我十指緊扣的左手裹在掌心予以最大的愛與支持。
悠長的休息期轉眼結束，我又回到那日夜顛倒廢寢忘餐的磨人工作去。
至於阿駿則開始住院接受身體檢查準備下週進行的耳科手術。
手術當天，我撇下新專輯的錄音工作待在醫院陪伴阿駿。
【阿駿，唔駛驚㗎，陣間你合埋眼再擘開眼個手術就做完㗎喇】
【知道喇，我都無驚，唔駛咁擔心我喎，你返去做嘢啦】
【唔返，我留喺病房等你一醒就即刻見到我】
【好啦好啦，你話事啦】
阿駿被推進手術室不久，我設了靜音的私人手機便震動起來。
是Marf打來的長途電話。
『我哥呢？』
她一貫冷漠語氣跟我說話，連招呼也沒打上半個，不過作為一個年長她十歲的大人我倒沒有介意。
「啱啱入咗手術室，醫生話兩個鐘頭左右就會做完。」
『你同我好好睇住我哥，如果我完show返嚟見到佢少咁個崩，我一定唔會放過你！』
「唔，晏啲佢醒返我睇佢精神好唔好，如果好嘅我叫佢facetime搵你啦。」
我不知道阿駿到底用了什麼方法令他這個愛兄如命的妹妹同意他接受這項不必要的手術，但既然她都協議同意了，我也沒必要再深究其中專心做好自己本份便是。
阿駿的手術非常成功，沒出現排斥現象亦沒有任何後遺問題，傷口也癒合得又快又好，醫生對此也感到十分滿意。
完成植入程序以後，阿駿開始逐步接受聽覺及語言訓練幫助更好融入新生活，而我亦馬不停蹄趕回照料阿駿期間落後了的錄音進度。
2025年7月4日，是我人生中其中一個重要日子。
「歡迎收聽《霹啪樂壇》，我係你地嘅節目主持人梁文乃。」
「我係你地嘅節目主持人鄭茜嘉。」
「嘉姐呀，今日我地除咗收到Wild & Gentle主音阿Jer公開戀情嘅消息之外，仲收到佢地最新嘅派台專輯喎。」
「係啊，聽講其中一首歌仲係阿Jer寫俾佢同性愛人阿駿嘅示愛情歌嚟添。」
「嘩⋯好浪漫喎⋯」
「係啊，而家就等我地欣賞吓呢首浪漫情歌先啦，收錄喺Wild & Gentle最新專輯《滿》入面嘅主打歌曲——《仍在》。」
完