Chapter Text
2021年1月
Ian拎起個電話，諗起AK係拎唔到獎嘅嗰個樣。雖然佢從來都唔係主動嘅嗰個，但係當呢一年每一次望到AK，佢都係以新人獎去努力，Ian覺得無論幾唔主動，都知道自己應該要做啲嘢。雖然未必安慰到咁硬頸嘅AK，但係有啲表示都好過無。
不過向來唔識諗計氹friend嘅人諗黎諗去，都唔肯定有啲乜嘢可以令AK開心啲或者可以幫到佢分心。結果就唯有send個message。
「喂，你之前又話拍片嘅? 你諗到我哋一齊煮咩味呀?搵日我哋都得閒上嚟你度啊。我啲歌都寫得7788，都應該有時間嘅…你係咪車埋我啊?」
雖然一send 完，Ian 都諗緊究竟見到自己可以同佢講到啲乜嘢，始終雖然佢哋兩個真係好傾得來，但係突然間要講啲有深度嘅嘢Ian始終都係覺得好似會有啲難開口既。
不過說時遲那時快，係Ian心裏面好忐忑嘅時候，AK就已經覆咗佢嘅message。
「好呀，不過諗唔到食咩啊。最多咪整意粉囉。你有冇咩想食呀?」
「你煮咩都得啦，平時都係你諗嘅。你煮嘅，我都唔會唔食嘅。不過我哋星期六日好似都仲要出show喎，約你下個禮拜?」
「你又啱喎。咁呀… 咁我整肉醬意粉先㗎啦，最多加個肉丸啦。你呢排都應該唔使操fit住? 咁我預我哋兩個啦? 你係咪都係喺屋企出嚟啊? 你個日話唸到新歌，結果work唔work呀?」
Ian 諗望住AK嘅message，都感嘆AK就算係面對咁大嘅失望嘅時候，都係會去關心佢先。IAN 覺得自己望住一個傻仔好盡力去投入每一個關係，亦都好關心自己，但總係好似冇人會幫到呢一個倔強嘅傻仔咁。
佢拎起手機打咗句 「應該都OK嘅… 最多我一陣錄清唱一段俾你聽? 你話俾我聽我唔OK囉… 同埋你記得早啲瞓啦，你瞓多啲冇死嘅」
「好啊! 等聽你既歌。我都打算好早瞓嘅。出多幾個post，沖埋涼，操多幾下就瞓㗎喇。你都係啦，你飲多淡水啊。我哋星期六日見啦。」
「喂先生，咁下個禮拜幾呀?你都要答我㗎!
「我諗應該星期一二會得啲...」
「唔緊啦，咁你預星期一啦? 我預我都係起身就過嚟車你定係你起身就打俾我呀?」
「但係好似上一次咁，我起身就打俾你啦?睇你個樣都係會想瞓得幾耐得幾耐㗎啦」
「點會係呀?上次我去買送一早就去咗啦。係你未落到樓咋嘛。約住一點先啦!」
Ian望住自己打嘅字，「好啦咁星期六日見啦，你有咩可以搵我喎」。諗多幾秒都係跟返delete呢個制。雖然心底裏真係好想問AK究竟有冇事但係咁樣問始終都唔係佢哋嘅相處方式方式。所以Ian心諗都係唯有留低見到佢先至再算啦。佢望住自己打嘅字諗多幾秒都係跟返delete呢個制。雖然心底裏真係好想問AK究竟有冇事，但係咁樣問始終都唔係佢哋嘅相處方式方式，唸唸下佢都係決定覆多句。
「不如你車埋我翻公司吖，廢是花姐又要兜埋我咁遠？」
「你嗰死仔包，想晏d醒喳？好呀，冇問題。咁我聽日morning call 你」
「洗鬼你call，不嬲都自己醒到」
「係呀，除左... 嗰一次吖嘛🤪」
望到AK呢句回覆，Ian雖然有少少唔甘心，不過唸起AK串佢會有既笑容，佢都係決定唔同佢抝。