Work Text:
安達最近發現自己個白玉團子比黑澤啲大餐養到肥肥白白，照鏡都好似見到自己塊面圓咗咁。
於是，佢宣佈佢要節食減肥啦。
「我要做運動！我今個禮拜淨係食沙律！比你日日啲炸雞便當同weekend大餐養到我肥晒啦黑澤！」
黑澤聽到bb嘅豪情壯語梗係全力支持做返個廿四孝男友啦。
「好呀，我會全力支持你架，唔會比你偷食架。」安達呢個時候仲未意識到跟住嘅一個禮拜有幾咁地獄......
星期一嘅三點三，淨係可以飲齋啡嘅安達已經好似消化晒午餐咁，趴係張枱度想死。
頭先食完黑澤嘅愛心健康沙律兜，𡁻下𡁻下啲沙律菜同埋健康嘅醬料真係覺得自己變咗隻牛咁。美乃滋都無嘅沙律仲算係咩沙律呀大佬。好肚餓呀，無啖飯落肚真係手軟腳軟。
頭先藤崎諗住好心請自己食個糯米糍，點知黑澤唔知係邊度走出嚟話自己要減肥攔途截劫，真係無陰功。
好想食個新鮮熱辣炸起嘅天丼，外脆內軟嘅炸蝦再配埋蔬菜，真係諗起都流口水......
天丼.jpg
唉，都係做嘢把啦，安達見到自己枱頭個donut夾就後悔之前做咩買咁多食物造型文具呢。
枱頭個donut夾
『星期一，想食天丼呀』
#
星期二，今日嘅飯堂特餐係章魚燒。
酸酸甜甜嘅豬扒汁同美乃滋畫出格仔花紋，跟住落啲紫菜同木魚碎，熱辣辣入面軟淋淋，諗起都想食......
就奇。今日唔駛去見客嘅黑澤捉住自己係canteen一齊繼續食沙律。
今日係雞胸沙律，尋晚一輪控訴之後黑澤今日大發慈悲加咗兩舊薯仔落去，雖然仍然係沙律，但係見到男朋友咁好陪自己一齊做牛牛食沙律，就算啦。
『星期二，可能係章魚燒掛』
安達係自己尋日特登喺無印買嘅減肥日記簿，每日個頁嘅最頂度寫低自己今日想食乜，就收埋咗係公司櫃桶。
#
星期三，今日黑澤話安達好努力咁忍咗兩日，陣間收工又去做gym就獎勵佢可以食M記。
「咁呀，我要炸......」
安達想叫的餐
「唔該，兩個板燒雞包走醬，轉粟米，zero可樂走冰，唔該比兩包胡椒我吖。」
平時食M記起碼都big mac多醬，薯條加大，有時仲要轉士多啤梨奶昔再加一盒雞翼嘅安達聽到簡直O咗咀。
頭先仲諗住話唔食包少啲碳水，嗌炸雞餐走皮應該都好合理姐，點知黑澤一嘢就已經落咗order。
佢扁晒嘴咁望住面前嘅餐，呢幾日冇啖好食肚餓到燥底嘅安達終於要爆啦。
板燒雞包走醬轉粟米 :(
「食M記唔食薯條食嚟做乜撚嘢呀。你不如唔好去食subway this this this 轉沙律？」
subway轉沙律
「我不嬲都係咁嗌架喎，板燒雞有原型肉又有菜，走醬就少250卡，粟米健康吖嘛，zero就可以飲可樂，營養師都推薦咁食架......」
「又話獎勵我想好好地食餐飯都唔得......今晚又食沙律又做gym邊有力姐...」
最後，黑澤頂唔住安達嘅慘豬眼神攻擊，死死地氣買咗包細薯條兩個人分嚟食，安達先肯收工跟佢做gym。
『星期三，炸雞？』
安達大大力咁寫落簿仔到，與其係記錄食咗咩同做咗咩運動，安達更加覺得呢本就嚟變小器簿。
#
星期四，安達尋晚發夢夢到佢，黑澤同六角又一齊開章魚燒party。
『星期四，係章魚燒掛。』
但係當安達趁黑澤今日要出街見客去偷買章魚燒排緊隊個陣，佢電話就響啦。
「阿清？你食飯未？我係樓下subway呀，買埋你個份？」
「我......未，你幫我買啦......我要蜜糖包加芝士走洋蔥橄欖多辣椒，汁要甜洋蔥。」
「唔得呀，甜洋蔥好多糖呀。」
「咁你幫我揀...要煙燻個隻囉。」
「OK，I would like to have honey oat with chicken breast, yeah with cheese please. And then all except onion and olive and extra jalapeño. chipotle southwest will do thank you. Also, salad......」
嘩，平時淨係識this this this 唔該嘅安達聽到黑澤噏咗一大抽咒語咁落單即刻靜咗。煙燻個隻汁佢次次都唔識讀，仲有辣椒唔係chili咩，「哈啦翩」咩話頭先？
subway this this this
安達費事比黑澤聽到章魚燒嗌飛仔知佢偷食就拿拿林搵個理由收咗線，盒多醬芝士蟹籽章魚燒忍痛塞咗俾路過嘅開發部同事，佢就返上樓等黑澤嘅外賣。
#
星期五，終於都星期五！捱多兩日就大解放啦！
今日整理stock list的安達覺得玩咗咁多日，又好似真係餓到瘦咗少少，佢已經諗定出關之後要食啲咩好西。
見到食物系列memo紙張相都好似可以聞到味咁，好想食pizza呀......
真係好想食pizza落爆芝士粉再嘆罐可樂就真係爽皮啦，嗱，唔要無糖可樂呀，飲得可樂唔飲紅罐有咩意思姐。
「喂 點解咁撚肥 點解咁撚肥 你食嘢求撚其～Ah～」六角呢個時候就一邊唱著怪雞歌一邊埋嚟捉住安達前輩吹水啦。
「咩呀咩肥呀咪減緊囉。」安達而家一聽到個肥字就起晒鋼，肥呀肥呀，好撚肥我無人吼呀。
「係啦，安達都好似真係瘦咗喎，真係有效喎。」藤崎都埋嚟一齊吹水。
「真係？太好啦，但係要我日日咁真係搞唔掂......」
「肥啊肥啊 點解點解肥啊喂 點解 aye～」
比六角嘅魔音灌腦完之後安達都無晒胃口。係啦，跟住放假禮拜六日要全日對住黑澤，即係要做多兩日食草嘅牛，講起牛就好想食牛，諗起牛又諗起奶，諗起芝士又諗起拉晒絲嘅pizza。
唉，真係好想食pizza囉。
但係黑澤可能頂到盡只會比佢食肉都無粒嘅火箭菜pizza。
『星期五，pizza！（唉諗吓好啦。）』
安達將本減肥日記擺落背囊就行去門口笑瞇瞇等佢嘅黑澤，一齊拖住手仔收工返屋企。
#
星期六，大戰一輪之後嘅安達又再夢到章魚燒。黑澤戴著個章魚燒頭套咁係度跳下跳下咁真係好好笑。
「章魚燒...真係好想食章魚燒...唔呀正呀，黑澤章魚燒哈哈哈。」安達太想食章魚燒想到自己發開口夢都唔知，嘈醒咗本身玩咗半晚有啲攰嘅黑澤。
「清清？清清？」
「唔...優一？做咩呀......點解你變咗粒章魚燒......嘿嘿」
「頭先話我係章魚燒，咁你要唔要食我粒章魚燒呀？」
本身迷迷糊糊嘅安達打咗個突，黑澤搵位入嘅技巧真係突破天際。
「屌你咩......」
「清清想嘅話我ok呀，我去準備下？」
「唔係呢個意思......」
「咁清清想唔想食章魚燒呀？仲有大肉腸送喎。」黑澤笑淫淫咁摸下安達大髀，比佢撩到有啲興嘅安達點點頭，黑澤就起身行咗出去。
唔係話要食佢粒章魚燒嘅咩？安達未load到就見到黑澤拎咗支豬扒醬同美乃滋入嚟塞咗俾安達。
「屌你，你嚟真架？」拎住兩支醬睇住黑澤除褲爬上床嘅安達呆撚咗，好玩唔玩玩食物呀......
但係見到佢最愛嘅美乃滋，戒咗一個禮拜嘅安達忍唔到啦！
啱啱係雪櫃拎出嚟嘅醬料有啲凍，唧落啡色XL size章魚燒嘅時候，粒章魚燒即刻凍到縮埋咗皺晒皮。
「唔......好凍。」黑澤嘅手指陷入咗自己大髀，佢有少少震抖咁捉實自己訓係張床度打開對腳。安達偎低身捉住黑澤條硬到直筆甩嘅大肉腸拎開佢，就奶下粒章魚燒上面交差嘅醬料，又一啖啜咗一粒落口奶曬上面的醬汁入口。
lam下粒章魚燒就郁下又縮下咁，安達由袋底都好好咁照顧，食到雪雪聲。含入個口度都可以緩解下想食嘢嘅慾望嘅。
「唔，好好味呀，好耐冇食過美乃滋啦。」係個咀邊漏咗少少白色醬汁嘅安達無辜咁唧咗啲汁係黑澤嘅大肉腸上面，就天真咁笑住由下向上咁奶晒入口，重要擘大個嘴仔特登show比黑澤睇，搞到黑澤忍唔住流咗啲透明又鹹鹹地嘅汁幫安達調調味......
「咦...咁苦架，優一你食過啲咩嚟。」
「無呀，同你一樣食菜囉，我同客食飯都係嗌沙律呀。」
「嗚呃，我想浪下個口，喂呀你又嚟...唔」黑澤將安達攔腰撈住，就用自己條脷親自幫佢浪均成個口，順便試下自己係咪真係好似安達講嘅咁苦啦。
但係訓到自然醒之後安達有啲後悔，佢係廚房諗住拎個章魚燒機出嚟嘅時候，黑澤話今朝自己啜到佢差啲就甩皮，死都唔肯整章魚燒喎。安達嘆咗口氣，又係你自己話要玩嘅，玩完又反口，真係好想食章魚燒呀。
最後佢哋都係繼續做東京城市入面嘅廿四樓嘅牛牛，出咗街去食沙律專門店。
#
星期日，天光無耐就醒咗嘅安達捉住張被望住天花板嘅間接照明射燈，一排三粒，兩排就六粒，六粒章魚燒蛋包炒麵套餐應該好好食。
章魚燒，章魚燒！章魚燒！！章！魚！燒！！！
真係好想食章魚燒！唔得，安達清就嚟要爆啦！佢捉住張被典嚟典去，搞醒咗八爪魚咁攬住佢嘅黑澤。
「唔...清清？咁早醒嘅？」
「好肚餓，好想食章魚燒......」
「咁食我？」
「唔要呀，我想食真正嘅食物，真係有啖暖嘢落肚嗰啲呀......嗚。」
黑澤將細路仔咁肚餓到扭計嘅男友攬住，有啲可惜咁摸下佢個變細咗小小嘅白玉肚腩仔安慰佢話，
「清清今個禮拜咁乖咁叻，咁陣間我整健康版章魚燒比你食好唔好？」
安達又扁晒嘴啦。
「唔要呀，嗚，都食得垃圾食物食健康版有咩意思姐，咁我唔食啦！捱埋今日！聽日我唔理啦。」
「好好好，你話點就點啦，我都陪你食。」
「sorry呀無啖好食我心情真係差，唔係想發你脾氣架。唉，真係好想食章魚燒。」
「咁呀，我哋做下運動做下其他嘢轉移下注意力啦，好無？」
「下，又做呀，好攰......做完又肚餓。」
「我幫你，你唔駛郁啦。」
「唔，唔好，唔好除我條褲......」安達雙手係黑澤胸前摸嚟摸去咁掙扎，被黑澤個肉嘴嘴對嘴咁封口嘅安達比人捉住命根撚咗兩撚就又再次乖乖就範啦。
成日話飽暖思淫慾，安達覺得講呢句嘢嘅古人可能只係吹水，點解唔飽都仲會思淫慾嘅呢。
克制咗嘅食慾似乎會係第二啲地方上面反映，聲稱keep住過個咀忙就會唔得閒諗食嘢嘅黑澤，係節食計劃嘅最後一日，幾乎無時無刻係屋企任何地方都捉住安達係咁咀，佢哋花咗一兩個鐘坐係梳化度hea，一路攬住對方好緩慢咁錫。蜻蜓點水到打茄輪，巴黎鐵塔反轉再反轉咁咀嘅後果，就係到安達個咀變孖潤腸咁濟，當然黑澤自己都唔好得幾多。直到安達個咀真係掂下都有啲痛佢先推開嘟起個嘴哄埋嚟嘅黑澤，去照鏡發現個咀紅到唔駛搽唇膏咁，覺得咁樣聽日返到公司又肯定會被同事關心先至狠心叫停佢哋嘅接吻馬拉松。
#
又到星期一，歷時七日嘅沙律減肥挑戰終於都完結啦！。
成功減磅嘅安達星期一返公司嘅腳步都輕鬆咗，成個腦都係諗住收工要食咩好西，不如晏晝就出去食？今朝黑澤一早就要跑幾檔去見客，所以佢哋提早喺玄關難分難捨咁咀完一輪就各自出門。安達梗係唔放過機會係公司樓下間lawson就買咗最愛嘅飯糰加兩個大福返去慢慢嘆。
當佢諗住拎本減肥日記出嚟果陣，唔知點解摸極都摸唔到，大鑊，擺咗去邊呢。
不過算啦，減肥計劃暫時告一段落，唔駛寫日記就唔理咁多啦。
黑澤上個禮拜似乎係為咗係公司mon實自己，所以安排晒啲外出行程係今個星期，成日都無見黑澤返去office，安達只係收到message話放工之後係黑澤屋企集合，話要煮啲好西獎勵下安達喎。
「安達有咩想食？」
「我咩都想食呀，而家比隻牛我都食得落呀！」
「咁你期待下啦，我諗好煮咩俾你食架啦。」
「唔會係健康版乜乜乜或者走醬嘅可？」
「唔會唔會，包邪惡既，得未？」
「好呀好呀～」
黑澤拿拿林見晒啲客，未夠六點就蛇王返咗屋企整大餐，安達就一到法定時間就即刻擸袋一枝箭咁衝出門口。佢冇好似平時咁撳門鐘等黑澤出嚟開門，安達係銀包拎咗黑澤比佢但係好少用到嘅備用鎖匙，因為好多時都係一齊出入，跟住黑澤仲係會負責鎖門同開門，條仲係新簇簇唔係好順滑嘅鎖匙扭開咗大門。
「嘩！我哋今晚開章魚燒party呀！太好啦～想食咗好耐啦～嗚呀～」安達pat低個袋就衝入客廳見到章魚燒機擺咗係枱面，着住西裝背心同圍裙嘅黑澤笑瞇瞇咁歡迎佢返嚟。
「你番嚟啦清清～等多我一陣，整埋少少嘢就食得架喇。我整咗布甸，你開雪櫃拎嚟食住先啦。」
「好嘢～」魔鬼營養師黑澤終於功成身退，都係平時會放題餵食自己嘅黑澤好啲。
「好，清清今日就盡情咁食啦！」
「好呀！太好啦！」開心到係凳un下un下嘅安達繼續做個無手手嘅男友，等黑澤整佢拿手嘅章魚燒比自己食。
醬汁買咗兩支新嘅，因為安達後來實在有啲難以面對用過係其他地方嘅醬汁再正常咁用......
一粒又一粒，餓咗成個禮拜嘅安達忍唔住口係咁食，食完一板又一板。
最後，安達飽到坐係梳化搓咗一陣凸起嘅肚仔先回到氣。
佢足足食咗25粒章魚燒，咁食法，似乎上個禮拜嘅努力就一鋪清咗袋啦，係呢，係咪衰為食呢。
安達吃爆了...
「我呢排都唔想再食章魚燒啦，食得太多啦...嗝。肥死了。」
「哎呀都叫咗你架啦，食咁多小心消化不良呀。」
「咁優一嘅手勢太好啦嘛，忍唔住係咁食......」
「咁，下個禮拜再減肥？」
安達雙手攬住係家居褲凸出嘅肚仔，堅決咁搖搖頭。
「唔制呀，肥咗你就唔鍾意我嗱？」
「唔係唔係，你肥定瘦都咁好睇，我幾時都咁鍾意你架啦，清。」
「好嘢！」
安達開心咁笑返，黑澤暗暗地諗，thank god安達終於放棄減肥，可以繼續保住佢最鍾意撚嘅白玉團子肚腩仔啦。
=====
おまけ
安達expect的沙律
黑澤：你知唔知又薯仔又蛋黃醬又牛油肥到爆...
安達：（扁嘴）咁雙重蛋黃醬飯糰呢
黑澤：吞拿魚加蛋黃醬都勉強ok嘅，炸雞加蛋黃醬肥又唔健康，無菜又咁多碳水，超晒標呀。
安達：QAQ 咁玉子燒呢
黑澤：甜味都可以落代糖嘅
安達：咁人生仲有咩意義呀......
#
安達：（摸自己肚腩）即係我真係肥咗啦。以前日日食飯糰便當同大福都咁多年都唔肥，同你一齊成日食好西就肥咗啦！
黑澤：（覺得只係人過三張新陳代謝就會變差，但係好有求生欲唔敢講）
黑澤：我都肥咗啲啦，呢啲叫幸福肥吖嘛。
安達：你仲有六舊腹肌就唔好氹我啦。
黑澤：（谷起個肚腩引安達笑）
安達：哈哈哈哈哈哈（笑到標眼水）