Chapter Text
「喂？BB～你今日’假冒‘謝票點啊～」
「呂爵安……你咩事啊..」
「…做咩啊BB？」
原本工作了一整天，接到愛人的電話，呂爵安是很雀躍的，恨不得快點聽到他嬌滴滴的奶音。然而，一聽便是隔着電話也感受到要殺人的氣場。
「你仲問我做咩？成個IG都係你同Jeff個激吻啊！」
’係喎！仆街……‘ 這才剛醒起今天會播出那一段預告片。
「咁之前拍完我都有即刻同你講返有一幕我錫咗佢啦，嗰時你都冇嘢㗎～」
「你嗰時都冇話係咁樣激吻法！我同你之前拍’大叔‘都冇咁樣過啊！」
「唔係～咁嗰陣時玩遊戲玩得癲咋嘛，都係節目效果姐，你知我同佢不嬲都只係兄弟嚟㗎。」呂爵安用最溫柔的聲線解釋著，希望對方放自己條生路。
「..呢個…呢個遊戲節目嚟炸！唔係感情戲，你..嗚..使唔使錫到咁肉緊啊？」盧瀚霆忍著哭泣的聲線莫名叫人心痛，呂爵安聽着更是揪心。
「BB唔好喊啦～我真係完全冇用真感情去錫Jeff 條友仔喎，咁玩遊戲要自己投入觀眾先睇得投入㗎嘛，同做戲一樣姐。」
「即係…其實我都只係你其中一個兄弟黎啦？」
這才發現自己說錯話了，「唔係啊…BB你知我有幾鍾意你幾錫你架…佢哋點可以同你相提並論啊！」
呂爵安知道這樣爭吵下去只會沒完沒了，他也知道自家男友不是有心這樣說的，只是他一直都對這段關係缺乏安定感，加上最近的壓力，在自己面前決堤也不是第一次了。
他恨不得馬上向全世界公布，盧瀚霆 我男人。
但他不能這樣做，公司亦不讓他這樣做。
不能光明正大地在鏡頭後跟他擁吻，不能約會，連在ig也不能有明顯互動。甚至有時被安排跟其他男藝人作親密互動，製造話題。
他只希望能保護到他的心靈、這段感情。
「BB啊…..」
盧瀚霆打斷了他的話，「嗚…呂爵安..你…你會唔會有一日…就唔中意我啦…」
「傻豬～又係呢個問題？」
呂爵安真是拿這個淚人兒沒辦法，但這個問題要他回答100遍也可以，只要能令他安心。「我講過，‘五年之約’，仲有好多個只屬於你嘅‘五年之約’等緊我地啊。」
電話傳來的哭咽聲更大了，呂爵安沒有說什麼只是靜靜地聽着…
「…呂..爵安…」
「我喺度。」
「我想見你…」
「宜家就去見你。」
……
PS. 呂爵安不能公開他們的關係，但他自有辦法給盧瀚霆他需要的安心。
翌日開始，他每天都以不同的理由在ig 發佈一張與愛人的合照。意圖十分明顯，但也理不到這麼多。
只求這次洗版，帶給‘他’的，是一份肯定。