Chapter Text
「喂，媽咪？」在廚房裡洗碗的盧瀚霆講起電話來。
「好啊，冬至回來吃飯，呃... 媽咪吖，我想帶我個男朋友來，加多雙筷，可唔可……」
坐在飯廳百無聊賴畫著畫的呂爵安聽到盧瀚霆撒嬌的聲音還有那個關鍵詞。
「Yeah! 到時見，love you~」盧瀚霆繼續洗碗。
呂爵安發出嘿嘿的奸笑聲，「好似好認真喎今次。」
「你又偷聽！」 盧瀚霆裝著發怒。
「我之前唔系同你講過架咩, Stanley吖 ，嗰個心臟科醫生呢。 」
「哦~我以為上次佢被人call 返醫院，賴低你之後 無下文添。」
「氹返啦，咁佢要做嘢吖嗎。」
「好冧人咁喎，畀張相來睇下。」盧瀚霆在電話裡找出合照，他們頭貼著頭，洋溢著甜蜜幸福的感覺。
那位男士擁有一頭濃密微卷的黑髮，架著幼框金絲眼鏡，氣質不凡，瀟灑翩翩，年约三十，跟盧瀚霆一起微笑，露出整齊微白的牙齒，十分匹配。
「幾靚仔喎，今次眼光不錯。」
「咩啊，我啲眼光不知幾好，只係次次都係爛桃花。」
「眼光好又點會有爛桃花呢？」呂爵安嘲笑那句不符合邏輯的話。
「好煩啊，呂爵安，你今晚咁得閒，無約女女咩？」以前夜夜笙歌的呂爵安近來的安分守己令盧瀚霆有點疑惑。
「無啊，想抖吓，又要畫畫又要返工。」吕爵安淡淡然地說。
「哦，完成左你食十二個星座嘅目標啦？ 邊個星座最夾呀？ 」 盧瀚霆記得上次和呂爵安喝醉，他大大聲地說著那個「目標」 ， 盧瀚霆繼續八卦。
「我爵爺一半摩羯座，一半水瓶座，土象星座同風象星座都夾，十二星座有幾難，大學已經完成任務啦。 」 炫耀着他的風流韻事。
「嗰時我日日見住不同的女孩出出入入我地宿舍，真係要洗眼，都唔知佢地中意你啲乜。下次試下食埋十二生肖呀笨。」 盧瀚霆翻着白眼去洗澡。
=============================================================================
臨近年尾，商演的機會很多，盧瀚霆的跳舞班排的很密，所以這個星期就要呂爵安搜購家中的用品和零食。
在略大的超市裏推著車閑逛著，看到盧瀚霆最愛的士多啤梨味Pocky，趕緊入貨。「啪」一聲，發現有人同時搶他手上的pocky。
一擡頭，看到盧瀚霆相中的Stanley, 心裏暗裏給他加分，至少他記得盧瀚霆的喜好。
「爸爸！哇！我最鍾意嘅士多啤梨Pocky 啊！」 一個年約五歲，身穿粉紅色公主裙的女孩雙眼發光地望著Stanley。
「唔好意思，可以讓俾我嗎？我個女好鍾意食。」 一臉歉意又風度翩翩的Stanley 斯文有禮地問。
呂爵安反應不過來，就點頭，想著’可能人有相似呢‘。
一位男友人拍了Stanley 的肩膀「喂！Stanley! 快點走啦，老婆等緊啦。」Stanley 謝過呂爵，就包著女兒走了。
遺下呂爵安糾結著如何告訴盧瀚霆。
呂爵安坐在深藍色布沙發，披著白色毛絨被，等著盧瀚霆回來。點了那盞盧瀚霆買來的形似東方燈籠的桌燈，發著柔和的鵝黃光綫。
過了十二點，剛進家門的盧瀚霆驚訝呂爵安竟然等著門，不安感在心裏湧現。「你仲未瞓嘅？等我呀？」
「我有嘢要同你講，你坐低先，我冲杯熱朱古力俾你。」呂爵安看了盧瀚霆一眼，戰戰兢兢地走到厨房。
「你唔係有絕症啊嗎。」 盧瀚霆拿著熱朱古力一臉擔心地問。
「唔係啦，你冷靜啲聽我講，我係一田撞到Stanley 同佢個女。」 呂爵安流利地説出他準備已久的臺詞。
盧瀚霆瞪大了雙眼，像失音了一般，僵住了。久久未發一言，盧瀚霆幽幽地問 「係真嘅？」
「真嘅，我親眼睇到，佢仲要我讓最後一包士多啤梨Pocky 俾佢個女…… 」
「即係我男朋友又冇，Pocky 又冇。」 盧瀚霆接受不了雙重打擊。
「仲要聽日就係冬至飯，媽咪一定問長問短。」盧瀚霆一邊抓著頭髮一邊嘆氣。
「我陪你番去見你屋企人啦，有外人係度佢地會收斂啲啩。」
「都好，唉…橫掂媽咪都預備左多一個人嘅分量。唉……」 盧瀚霆垂頭喪氣地回房間。
呂爵安聽到房裏傳出盧瀚霆激烈的爭吵聲，然後就沒有然後了。
準備暖毛巾給盧瀚霆敷眼，敲一敲門，拿著白色的毛毛被子抱住在單人床上坐著的他，聽著盧瀚霆在他的肩膀上哭。
哭到快睡着時説了最後一句「又是爛桃花，完未啊！」
翌日晚上，盧瀚霆和呂爵安準時抵達盧瀚霆的家，呂爵安按下門鈴，盧瀚霆的姐姐開門，一見到他們就大喊。
「我都話霆霆個男朋友係呂爵安架啦！」
<未完待續>