Chapter Text
1
八月盛夏
夏威夷的威基基海灘人山人海，游泳、排球、滑浪……數之不盡。
皮膚黝黑的江𤒹生躺在沙灘椅上曬日光浴。頭頂上有飛機經過，非常接近，引擎的轟鳴聲吵醒了男人。
還想再睡一會兒…..他抬手看看手錶
08:39AM
再給我兩分鐘…..
不對！08:39？糟糕了！
男人被嚇得激靈，拾起夏威夷衫和航空雜誌便大步流星地往沙灘大道跑。見到的士，馬上抬手攔下。
「Taxi！」
2
酒店房 他飛撲到床上穿起皺皺的機師制服，踢腳穿上長褲。「啪」一聲合上行李箱，拿起要送給朋友的土產鳳梨便往外走。
甫一落車，江𤒹生就拖著行李箱，拼命地往後勤閘口跑。
「Sorry….excuse me….」機師在人群中左穿右插，現象橫生。
3
另一邊廂，機艙裏
「叩叩….先生開門丫！」
「嘈咩！」客人瞪著空少，神色不悅地回到座位上。
另一位空少走到座位旁，耐性地蹲下詢問客人：「先生，請問您頭先係咪食菸呀？飛機上唔可以食菸㗎。」
「我有咩？你哋有咩證據？」
「我親眼睇住佢食菸㗎。」盧瀚霆挺胸收腹，理直氣壯地說。
「你咪扮曬嘢啊！你宜家當我係犯啊？」
「我哋唔係咁嘅意思….」意識到自己語氣過重，兩人連忙道歉安撫客人
「同你講都嘥氣，叫機長嚟搵我！」客人依舊不買帳。
「吓？」空少呆在原地。
「叫你機長嚟搵我啊！」客人瞪圓雙眼，氣急敗壞。
「Excuse me！Sorry….」機師仍然在後勤通道上疾跑。
「對唔住，機師喺航程中唔可以隨便離開駕駛艙㗎。」機艙經理殷勤地鞠躬道歉並解釋。
「佢唔出咪我入囉。」客人轉身往樓梯走。
兩人見狀趕忙阻止，經理上去阻擋，空少在後面輕輕拉著客人的衣服。
「搞咩？放開我啊！機長你同我出嚟！」客人大吼著。
4
「唰」客艙遮簾被拉開。
「Sorry呀我遲咗上機，唔好意思啊咁多位…..」機師拿著帽衝進客艙，邊往駕駛艙走，邊向機上的機組人員道歉。
「第一次飛檀香山，琴日睇資料瞓夜咗…」機師細聲碎念，抬頭便看到眼前的混亂場景。
三個男人正在互相拉扯。
「咩料….」他一時間反應不過來。
「早晨啊Anson。係咁嘅，我哋做緊模擬客艙服務訓練。」機艙經理溫聲地說。
「服務訓練？」江𤒹生驚訝地問。
「係。」剛才狼狽不堪的惡客人，拉上領帶，轉身回望江𤒹生，正聲地說：「因為呢班機有新Crew，我哋就做個模擬客人吸菸嘅演習。」
男人一邊說，一邊為他整理好制服，細心地拉好領帶，拍拍他的雙肩。
「啊…咁…你哋繼續呀，唔好意思…」江𤒹生不好意思地說，走向駕駛艙做準備。
看著帥氣的機師，剛剛的空少雙眼發光，心裡小鹿亂撞。
「阿Lo，我哋唔可以咁惡。身為CA，無論點，對客都要客氣有耐性。」總管走到空少面前，嚴正地說。
「啊…」江𤒹生又走到客艙：「係…頭先真係好精彩。」
「係？」總管問。
「頭先你話『機長你同我出嚟！』呢句嘢，好傳神！好有氣勢！」江𤒹生毫不保留地說出自己的仰慕。
「你太過獎喇，訓練嚟嘅啫。」總管客氣地說。
「不過呢，如果真係有乘客食菸，語氣重啲都唔緊要，制止佢哋就啱。」話鋒一轉，江𤒹生認真地說。
「嗯？」一向溫柔敦厚的總管不解。
「大家坐埋同一班機，無論係客定係Crew，都要合作。有唔啱就要講清楚。」江𤒹生面色凝重地說，渾身散發著機師的氣勢。
「好，我哋明白㗎喇。」經理溫聲地說。
「係呢…..機長呢？」
「吓？」
他居然把機長漏在酒店了！
「Wait a minute！」江𤒹生衝下車跑進酒店。
「喂～」略帶滄桑的機長坐在酒店外的大石上，叫住了他。
「Sorry…..」江𤒹生不敢直視機長，尷尬地說。
「我第一次坐正，估唔到後輩會掉低我喺度。」
江𤒹生連忙鞠躬道歉，機長沒有多說，只是輕笑了一下。
5
「好，我哋開始Breifing喇。」機艙經理說
「咁多位早晨，我係Joey Leung，請多多指教。」機長說
「我係Anson Kong。」
「多多指教！」後面突然響起一把響亮的嗓聲，眾人不禁回頭看著盧瀚霆。
「我係L1嘅機艙總管姜濤。」男座艙經理自我介紹著。
「我係L2嘅機艙經理Frankie。今日呢班機full loading，所以會早少少boarding。」
「好。」
11:30AM 準時Pushback
機組人員為起飛做好準備，一切正常。
戴上墨鏡，起飛！
飛機滑行到跑道，油門全開，速度很快上升至150海哩。
「V1….VR.....V2」飛機抬頭往藍天飛去。