Chapter Text
呂爵安在一家國際貨運公司裡擔當一名小小的速遞員，每天走在最前線，負責上門為客人派件收件，工作時間長，但他也很尊重自己這份工作。有時候他覺得看到收件人充滿喜悅地從自己手上安全地接過包裹，也挺有滿足感。
他今天如常工作，依舊按照送貨單上的地址，將一份從英國寄來香港的貨物派送至收貨人手上，但是此刻的他迎來了速遞員生涯裡最尷尬的一刻。
面前的收貨人不想簽收，並且問他：「你可唔可以當呢個地址冇我呢個人啊？」
呂爵安看了一眼收件人名字寫著Lo Hon Ting, Anson，再抬頭望向屋裡的人：「你係Lo Hon Ting？」
「係，我係盧瀚霆。」盧瀚霆面有難色，但本人又不懂得說謊，結果自爆了身份：「但我唔想收到呢份件，可唔可以幫我退返去話無此人？」
呂爵安再瞄了一眼寄件人姓名寫著King，寄件地址為英國的一家跳舞學校。
他按照公司的指引為收件人說明：「其實如果收件人係你本人嘅話，我冇得report係無此人……」
盧瀚霆低著頭，失落地說：「我都明嘅，冇理由要你難做……」
呂爵安看到面前的人露出可憐的表情，突然善心大發，貼心地建議：「或者你打上去我哋customer service hotline報告返你呢個情況，然後睇吓可唔可以喺總台嗰度mark返退件。我可以等你。」
「唔該晒你啊！咁你等一陣先，我去打電話。」盧瀚霆撥打電話的同時，呂爵安偷偷看了一眼盧瀚霆的屋裡，推測盧瀚霆是剛搬過來，因為客廳裡還放著好幾堆沒拆的箱子。
盧瀚霆撥了電話，隔了一會兒便開口：「喂？啱啱你哋派件嘅同事送咗一盒嘢嚟但我唔想收，請問可唔可以幫我mark返拒收㗎？」
盧瀚霆皺著眉：「但我唔知點解佢會有我嘅新地址，我唔想收！」
呂爵安雖然聽不到話筒裡面的對答，但是憑著盧瀚霆的這一句就知道他的說法說服不了客服同事幫他。
盧瀚霆還在堅持：「唔係啊……咁……」
呂爵安見狀，拍了拍盧瀚霆的肩膀。
盧瀚霆回頭看著呂爵安，見到呂爵安好像有話要對自己說。於是盧瀚霆便稍微放下手機，用手蓋住話筒，側著頭把耳朵靠過去呂爵安的嘴巴旁邊，聽呂爵安說話。
兩人距離只剩一公分，呂爵安可以聞得到從盧瀚霆身上飄過來的香水味，立馬屏住氣息，在盧瀚霆耳邊說：「你不如話你冇買過呢件貨，唔識呢個寄件人，佢哋應該可以mark住退返畀個shipper。」
盧瀚霆聽懂之後，將呂爵安指導的說話原封不動的對著電話裡的客戶服務員說：「我冇買過呢件貨，我唔識個寄件人。」
電話裡頭的客服小姐迅速回覆：「我幫先生你mark返退件吖，我哋會盡量幫你同shipper嗰邊核實。我哋嘅派件專員編號970121會過嚟幫你收返份件，請你耐心等候。造成你嘅不便，我哋深感抱歉。請問仲有冇其他嘢可以幫到你？」
「冇喇，唔該。」盧瀚霆掛了電話之後，呂爵安手上的簽收機器屏幕也馬上顯示貨物狀態為“退件”。
呂爵安有禮貌地跟盧瀚霆說：「我幫你退返去總部～」
「唔該晒你啊，編號970121！」盧瀚霆成功解決到問題，十分感恩。
呂爵安點點頭，「唔使客氣，byebye～」
盧瀚霆關上大門後，呂爵安立馬心跳加速臉蛋通紅。回憶起剛才跟他距離極近地耳語，心裡想著：
這位Lo Hon Ting……好香。
~to be continued~