Work Text:
是咁的，小弟同男朋友已經一齊咗6年，今日終於兩家人一齊出去食飯。
我哋book咗間中菜食，大家圍埋一檯，不知幾開心，有講有笑。第一次親身見到auntie同uncle，喺同兩位嘅對話中都感受到係好有文化同好in嘅人。其實我都好開心兩邊屋企咁開明，真係好感恩。
成餐飯都好地地，係我中途夾咗隻雞髀俾佢阿妹，佢就開始黑面。我見到佢塊面燶到咁咪細細聲喺佢耳邊講：「做咩啊又，食埋餐飯先啦好無？」點知佢到食完餐飯一粒聲都無再出過，中間得我自己一條友應付兩家人。唔係話辛苦，但好攰㗎嘛，飯都食唔到幾啖，就係不講呢樣講嗰樣。
完場我哋兩個咪一齊搭車翻屋企，但係條友越叫越走，越行越快。我咪追上去諗住捉住佢，點知佢一下就fing開我，大力到我覺得自己內傷。（題外話：平時佢喺張床到又要呢樣又要嗰樣，痴身過撒隆巴斯）
上咗小巴，佢就嬲爆爆咁坐埋窗邊，咁我梗係快手坐落佢隔離啦。我地兩個一直無講嘢，佢就一直望住條街，俾個側面我睇。其實佢側面都幾好睇，尤其個嘟嘟嘴，腫腫地厚唇，夠我丁十世，含嗰陣又正。
sorry太多口水，講翻正題。之後我咪好聲好氣問佢：「做咩咁嬲啊柳b～」
「邊個係你b」
「咪你囉，你咁可愛仲唔係我bb～」
佢突然之間又講多句：「點解你啱啱要將最後一隻雞髀夾俾我阿妹都唔夾俾我？」
？？？？？？？？
「你明知我最鍾意食雞髀」「你明知一隻雞得兩隻髀」「你係咪唔再愛我喇邱士縉」
屌，原來係隻雞髀出事。大佬，一隻雞髀姐，你嬲咗成餐飯。
我壓住道氣咁講：「咁阿妹青春期吖嘛，發育要食多啲㗎」
「食食食，我就唔使食嘅，淨係食你啲精得啦」佢越講越大聲，隔離啲乘客開始望住我哋。
「唔係......但嗰個係你阿妹咋嘛，我愛屋及烏姐～」
「但係你完全無諗過我想唔想食雞髀囉」
「嗰個係你阿妹嚟㗎......」我就嚟忍唔住。
「佢係咪我阿妹同我想唔想食雞髀無衝突囉！」
「屌你講極都唔明，正臭閪！」我真係忍唔住。
「咁臭你又奶！！」
司機急煞咗下，全車靜晒，係靜晒。
本身傾電話笑到勁大聲個阿嬸都靜咗，喺個倒後鏡到我見到司機大佬極為慌亂嘅眼神。
唉一PK成千古恨，真係史上最kam，我哋仲要坐到尾站，翻去又要氹翻條港女。
好攰，有無人救我。