Chapter Text
「對唔住。我哋盡晒力，節哀順變！」
「唔會㗎！唔好呀！」
還好只是夢，最愛的人還在身邊。
♪♪全憑有你這一對手...不管幾高的對手...如同神隊友支撐背後♪♪
Dr. Smith的來電將Hilary從夢魘中拉出來，她睜開大眼睛左看右看。
「Hilary speaking...邊位？」
「係我！」
「老師呀，你晨早流流想嚇死人咩？」
「如果你哋個病有機會醫好，你會唔會想同Anson一齊試吓？」
「會！」
「就算得5成機會，你都願意一試？」
「係！」
「HUS嘅神經外科團隊最近發表咗兩篇同『腦幹膠質瘤』同『星形細胞瘤』有關嘅論文。兩個月前我去參加醫學研討會，同咗佢哋嘅代表交流。咁我有將你哋嘅case同佢哋分享。」
「佢哋點講？」
「兩個手術有一定難度，但都有得做！」
「有冇可能請佢哋嚟香港？如果手術成功，絕對會係香港神經外科一個重要里程碑！」
「等你哋係決定好，咁我就聯絡果邊安排！」
「唔洗啦，直接安排啦！辛苦晒！」
「頭先發惡夢呀？」
「嗯，嚇死我啦！」
「冇事冇事，我喺度！」
「Dr. Smith話我哋個病可以用手術嚟醫好！」
「真嘅？」
「如果手術成功率得五成，你會唔會都想試？」
「想吖！」
「點都好，我哋都要同爸爸媽咪講聲！」
「爸、媽，我哋決定咗要做手術！」
「係咪肯定會成功㗎？」
「媽咪呀，醫學上冇嘢係百分百㗎！既然有咁嘅機會，點解唔俾佢哋試吓？」
「萬一佢哋是但一個有事咁點算？」
「可能兩個都冇事呢，唔好亂諗嘢啦！」
「佢哋嘅神經外科係全球數一數二㗎。既然專家都話可以，我哋當係買個機會囉！」
經過十一小時飛行，醫學院代表抵達香港。一行十二人，下塌在她事先安排好的服務式公寓。
兩老來到小夫妻的家，把一切整理好。讓兩口子在一個舒適的環境裡好好休養。
教母緊皺的眉頭，教父明白妻子的擔憂。
「媽咪呀，唔好咁緊張啦！」
「養兒一百歲，長憂九十九呀！」
手術當天，兩小口如常談笑風生。
咕～
「又肚餓呀？」
「你唔肚餓咩？」
「做完手術咪可以食嘢囉！」
「米米你咁早嚟嘅？」
「嚟睇吓你哋先嘛！」
因為全身麻醉的關係，兩人已禁食接近二十四小時。
「我希望，醒返之後第一眼可以望到你！」
「傻佬！」
手術室內，即將進行兩項高難度神經外科手術。
「好緊張！」
「你乖乖瞓一教，瞓醒就可以見到我㗎啦！」
「老婆，你拖住我隻手好冇呀？」
由手術室到病房，兩夫妻一直牽著彼此的手。在場無一不被他們的真愛感動。
「醒啦？」
「你隻懶瞓豬居然早過我起身？」
「早你少少啫！傷口仲痛唔痛呀？」
「唔痛，因為你就係醫好我嘅藥！」
「一醒返就放閃係想點先？」
「今次死過翻生，真係要好好珍惜！」
「我哋個手術，還好嗎？」
「一個字：難！」
「講經咩你？」
「你唔係唔知，你哋個病有幾棘手嘛？」
「玩嘢咩，唔難搞都唔會勞煩你老人家出山啦！」
「因為周圍有好多神經線，我哋只可以切除大部分腫瘤！暫時嚟睇，殘餘嘅癌細胞唔會影響到日常生活。」
「點先為之好返？」
「四年之內唔再復發，就可以界定為完全康復！」
「入正題，幾時可以食嘢？」
「又掛住食？」
「你唔肚餓咩？」
「最多只可以食半流質食物！」
「好過冇啖好食先啦！」
「霆霆、翹翹，你哋睇吓我帶咗啲咩嚟？」
「離遠就聞到香味，係爸爸你煲嘅愛心番茄薯仔瘦肉湯。」
「你呀，講到食就精神！」
「咁我真係好掛住爸爸嘅老火湯嘛！」
「啲湯好熱㗎，你哋慢慢飲啦！」
手術後兩個月，醫生批准他們回家了。
「如無意外，半年後再返嚟覆診！」
「住醫院住到個人都呆晒！」
「我哋返屋企啦！」
「返你屋企定返我哋屋企先？」
「喂呀！」
「兩位，麻煩返到屋企先再耍花槍啦！我哋仲喺度㗎！」
「多謝你呀啫喱米！」
「米米，辛苦你啦！」
「心照啦！」