Chapter Text
mapapansin mo kaya?
nakaw tingin lagi kada kailangan dumaan sa bandang basketball court. ayaw naman niyang maging masyadong halata sa pagsilip, pero naisip niya din na baka hindi naman napapansin ng lalaking naglalaro ang kaniyang mga tingin.
"tol, pasa mo dito!"
ang ingay. di masyadong mahilig si ayato sa ingay, lalo na yung nanggagaling sa pagdikit ng basketball shoes at palapag sabay pa ng takbo papunta sa hoops kapag magshoshoot. kaso, ngayon, medyo napagtiyatiyagaan na niya.
ako'y magkukunwari ba sa nararamdaman
"kuya."
kahit walang pumapagitan
"KUYA!" sigaw ni ayaka noong napansin niyang tulog ang isip ni ayato kahit bukang buka ang kaniyang mga mata, "huy, tawag na tayo. pupunta pa tayo sa liyue para mag-interview ng mga food stalls na malapit doon."
"ah... okay."
"tanggalin mo muna mata mo kay thoma, di naman mawawala yan."
"hoy ayaka, gaga ka! napakaingay mo!"
nagmadaling tumakbo ang dalawang magkapatid at pinanood ito ng mga basketbolerong tumigil muna sa kanilang laro para magpahinga.
"pre, thoma." inis ng isa, "nako, parang may nagkakagusto ata sa'yo ah!"
"heh, wag nga kayo." natawa na lang si thoma sa pang-aasar sa kaniya ng kaniyang mga kaibigan.
kasi alam naman niya din. medyo halata din naman kasi sumilip si ayato kada match.
Ikaw ang tanging gustong pagmasdan
Oh sana ako'y pagbigyan
Kay tagal nang hinihintay
Bawat saglit sumasablay