Chapter Text
「我係受上頭命令嚟問你嘢，你唔好以為會有咩特權，唔該你記住你係殺人犯咋！」江𤒹生扯著眼前人的衣領，原本熨得平整的囚服起了一個個褶子，那人絲毫沒有動怒而是苦惱地歎了一口氣，衣服要重新熨了。
「阿sir，如果你哋有辦法破案就唔駛嚟問我呢個殺人犯啦，你話我講得啱唔啱？」
看著對方氣定神閒的樣子，江𤒹生更氣不打一處來，「陳卓賢你同我聽住！你最好同乖乖地同我合作，我隨時可以加你監！」
「冇問題，你放開我先，我費事出邊啲獄卒以為你對我有意思。」
江𤒹生狐疑地望向玻璃門，外頭的獄卒的確在竊竊私語，在他們的角度看來兩人就像扯著衣領熱吻。
「定係阿sir你真係想同我打茄輪？我唔mind㗎，你生得咁靚。」
江𤒹生的臉在悄悄發燙，他承認陳卓賢是他的菜，可是一向公私分明的他決不會越軌。
「我唔得閒同你講廢話，一年前你親手殺咗自己阿爸仲要綁到佢成份禮物咁，目的係咩？」
陳卓賢用布擦了擦金絲眼鏡，再次戴上，儘量撫平著被扯開的衣領，嘴角掛著笑，「阿爸只係個稱呼，只不過係法律上面賦予嘅關係，嚴格嚟講佢只不過係同住嘅陌生人。」
「關係唔好係可以成為殺佢嘅動機，但係你之後做嘅嘢係為咗咩？而且你仲要係現行犯被捕。」
「係我細個嗰陣，佢曾經話過會送份禮物俾阿媽，但係就係阿媽生日嗰日，佢飲到醉晒仲攬住第二個女人，仲要唔記得咗阿媽份生日禮物。」陳卓賢冷靜地敘述着這段痛苦的回憶，似乎跟他沒有關係。
「所以你就殺咗佢當生日禮物送俾你阿媽？」
「咁阿媽都走咗，我咪由佢兩老團聚下。」語氣平淡得嚇人，江𤒹生也被他緊緊盯著自己的目光嚇得冒了層薄汗。
「咁你對今次單嘢點睇？」
「江sir，你係咁要我諗返一年前啲唔開心嘅回憶，我個頭好痛，睇嚟要下次先再同你講。」陳卓賢扶著額惋惜地說道。
「你又想點呀」
「你話如果有個人俾我錫啖，可能我會精神啲，諗返起多啲嘢，咁樣對大家都有着數。」
「你係咪痴線㗎，我邊度搵個人俾你錫，你唔講我唔識搵第二個咩？」江𤒹生一怒之下將筆記本蓋上，可是腦海中卻浮現出上頭的說話，「如果你今次再撻Q，唔好怪我豉椒炒魷。」，又死死氣地再次翻開。
「即係咁，我聽講今次單case太棘手，你哋破唔到我先嚟搵我，變態最了解變態，所以唔係少少嘢都滿足唔到我呀嘛？」
「咁…」
陳卓賢沒有等江𤒹生的回答，就朝著他泛紅的臉蛋落下一吻，蜻蜓點水的肌膚之親，讓人覺得他跟變態沾不上邊。
「你個死變態佬！你信唔信我告你襲警？！」驚嚇過度的江𤒹生拼命揉著臉蛋，試圖擦走臉上屬於對方的餘溫。
對方莞爾一笑，斯斯然地開了口：「好多殺人犯都以為自己係上帝主宰一切，但係通常佢都係社會嘅最低層，用自己所謂上帝嘅身份去懲罰世人。」
「我明你咩意思，所以佢揀親嘅目標唔係詐騙犯，就係強姦犯。」江𤒹生頃刻間忘記了剛才的小插曲，全心投入案件分析，只留下染上紅暈的黝黑皮膚作為證據。
「冇錯。佢唔用兇器，而係選擇親手幫佢哋解決，而且殺人之後將屍體除晒衫，但係冇任何施暴行為，以上兩個行為都證明咗佢認為自己係上帝，佢想將呢啲罪人回復返初生嬰兒嘅狀態，洗滌佢哋嘅罪孽。阿sir，我係咪好幫得手？」
「你講嘅嘢都幾有用，如果單案有進展，我可能會再返嚟搵你幫手，你唔好玩嘢！」
「嬲嗰陣又幾靚喎，咁下次見啦，江sir！」
隨後朝著門口喊道，「獄長，我要返倉打飛機。」陳卓賢在獄中向來文質彬彬的模樣，出落的氣質反倒讓那些彪形大漢怕了他，連獄卒也是第一次聽見他的嘴裏吐出低俗之詞。
江𤒹生晃了晃腦袋才意識到對方的話中話，下意識地「屌」了一聲。