Chapter Text
-
「呂爵安！你仲想hea到幾時啊？！」爵媽無情地一腳踹向呂爵安的屁股，誰叫他成天沒事就趴在沙發上耍廢，「你幾時同我正正經經搵返份工啊？！」
「唔係我唔想搵呀媽咪，搵唔啱呀嘛！」呂爵安可憐兮兮地揉搓自己吃痛的屁股，嘟起嘴向爵媽撒嬌，「我已經搵咗好多份㗎啦！」
「好心你就唔好咁多要求啦！你個妹啱啱考完DSE咋，都搵到暑期工啦！」爵媽反了個白眼，無視兒子那不怎麼好看的撒嬌，繼續拖地去。
「我假假地都Kong U畢業喎！咁求其搵咪有失我身份？！」呂爵安抗拒著，卻遭受爵媽的無情拆台，「你無工返就真係唔方唔有失身份啦！我唔理！一個月後我唔要見到你日日瞓梳發，唔係你就食自己！」
“一個月？！Interview都未必有啦！老母你玩我咩？！”
正當呂爵安萬念俱灰時，「我返嚟啦～」呂蕙如下班回家了，「係喎阿哥，我friend同我講佢表哥間餐廳依加請人喎～」
“有無咁橋啊？！”
「咁啱啦！呂爵安你聽日去同我見工！見唔成唔準返嚟！」爵媽直接下達最後通牒，絲毫不管呂爵安的痛苦哀號，這下次呂爵安根本沒有討價還價的權利。
-
隔天一早，江記茶餐廳。
呂爵安站在白底紅字的招牌下，深深歎了一口氣，“當當Kong U畢業生最後竟然要做茶記……” 呂爵安心如死灰地推開了門。
「唔好意思呀，我哋仲未開舖㗎！」一把低沉磁性的迷人聲線響起，呂爵安目不轉睛地盯着眼前之人，白裏透紅的肌膚、惹人憐愛的下垂眼、嬌嫩欲滴的紅唇、完美比例的身材，無一不讓呂爵安心動不已。
“大癲！依加啲男人咁靚㗎咩？！”
見呂爵安在發呆，盧瀚霆便走到他跟前揮揮手，「Hello？聽唔聽到？」
「哈？哦！我、我係嚟見工㗎！」
“大佬唔好失驚無神行咁近先得㗎！乜依加男人都興噴咁香嘅香水㗎咩……”
「哦～咁你等一陣呀～」盧瀚霆說完便露出禮貌的笑容，轉身跑進廚房大喊，「AK！有人見工呀！」
江𤒹生放下食材，邊擦手邊走向呂爵安，「Hi！你就係Edan？我聽我表弟講咗㗎啦，反正都叫朋友個朋友，你嚟幫返工就最好啦！不過我哋請廚房喎，你識唔識煮嘢食㗎？！不過真係唔識都唔緊要嘅，都係又備料開始慢慢學㗎啫！你幾時開始返工啊？依加得唔得啊？放心啦人工唔會待薄你㗎！唉你都唔知，廚房少咗個人真係做到踢晒腳呀！好彩我聽表弟講佢識咗個妹妹話佢阿哥未有工返咋！咦係呢！聽講你Kong U grad喎！叻仔呀！希望你唔好介意我哋呢啲茶記啦！其實我哋都好好㗎！我哋——」
“條友會唔會長氣咗少少……？”
呂爵安表面上維持着客氣的微笑，內心早已吐槽數百遍外加白眼反到後腦勺，不過為了不得失未來老闆，為了可以和美人共事，門面功夫還是要做。
預料到江𤒹生短時間內都不會停的盧瀚霆早就逃跑了，躲在收銀枱後雙手托腮，饒有興趣地觀察呂爵安。彷彿看穿呂爵安的內心小劇場，盧瀚霆忍不住「噗哧」的笑了。
「笑咩啊～？」李駿傑打趣道。
「無呀～覺得新人好cute咋嘛～佢忍到聽AK講咁耐嘢喎，唔叻咩？」盧瀚霆的視線沒有離開過呂爵安，繼續觀察這位可愛的新人。
「唔夠你cute～」李駿傑伸手捏住盧瀚霆軟嫩的臉頰，「你肯幫手開舖未啫？之後大把時間你望啦！」
「依加咪嚟囉～好痛呀米米～」軟肉被李駿傑脅持住，盧瀚霆嘟起小嘴被李駿傑帶到餐桌旁，心不甘情不願地開始整理，為午市作準備。
-
而被江𤒹生半拉半拖到廚房的呂爵安亦未能如願的留在樓面再看盧瀚霆幾眼，糊裏糊塗穿上了廚房工的汗衣，就被人推到料理台開始工作。
「其實都冇乜嘢要做㗎，你今日將啲材料全部切晒佢就得！呢啲切粒、呢啲切片、呢啲呢就滾刀咁切！呀！你知唔知咩叫滾刀呀？睇你嘅樣都唔知㗎喇！望住我切啦……」
呂爵安在廚房裏聽著江𤒹生喋喋不休的說著，連示範的時候嘴巴都沒有停下，嘮叨的功力堪稱一絕。江𤒹生示範完後將菜刀硬塞到呂爵安手裏讓他嘗試，呂爵安笨手笨腳的模仿江𤒹生的動作，切出來的樣子卻不像樣。
「唉呀你頭先有冇睇清楚呀？我再比你睇多次喇！其實真係好簡單㗎，切晒之後你就拎啲排骨去飛水，唔洗太耐呀，耐就淥熟晒啲肉，煮完都唔好食㗎喇！呀！其實我係負責煮㗎，試過包你中意呀，你有冇咩想食呀？我呢度包員工兩餐㗎喎，你想食咩我煮比你吖！講下講下我都幫你切咗咁多添，到你喇！」
呂爵安正想吶喊能不能讓他靜靜，還是決定乖乖接過菜刀開始切菜。想要在一旁專心看著又被碎碎念得分心，呂爵安還是沒有學會滾刀該怎樣做，而樓面已經開始有了零星的客人。
叮叮。「聽到鐘響要過嚟睇單呀新人！」
“係頭先個男仔把聲！”
呂爵安受不住引誘回頭一看出菜口，刀子一歪就落在自己的手指上，割上了一個口子流血。
然而看著出菜口那雙水眸好奇的往他們張望，呂爵安呆了兩秒才呼叫：「痛——」
對於呂爵安遲緩的反應，然後被江𤒹生用放大幾倍的聲量笑他笨，盧瀚霆不禁覺得呂爵安好可憐又可愛。跑去將醫藥箱找來，盧瀚霆走進廚房並向呂爵安招手。
「乜你第一日返工就整親㗎！」盧瀚霆微笑著，邊拆開粉紅藥水澆到呂爵安的手上。用棉花細心的將他的手印乾之後，盧瀚霆拿起剪刀剪開膠布的兩邊。
「我唔係好識煮飯㗎。」呂爵安看著盧瀚霆幫他貼上時將剪開的部分避過關節，好讓他貼著膠布都不妨礙活動，不由得稱讚一句，「你識咁樣整好叻呀！」
「啱啱識就賣口乖㗎咩？」可盧瀚霆就是被這一句哄出燦爛的笑容。
“痴！線！㗎！笑得咁好睇㗎咩！咁Charm㗎咩！”
「咩、咩喎，咁我唔識吖嘛。」被盧瀚霆的笑容攻擊造成二千點傷害，呂爵安的魂都要被勾走了，「係呢，你叫咩名呀？我係Edan呀。」
「Anson，呢度個個都叫我阿撈㗎。」盧瀚霆拍拍呂爵安的肩膀，抱起收拾好的醫藥箱準備離開廚房，「我出去做嘢先喇！加油呀Edan！」
這一句打氣成了呂爵安工作的動力，但是會念書的人不等於能快速的學會菜刀刀藝，呂爵安重新被江𤒹生調教一番之後，切丁的大小不一、切片的厚度不一、滾刀……完了吧如無意外。
「嗯！第一日返工都算係咁㗎喇！聽日再練吖！」江𤒹生的態度十分正面，「跟住你今日學埋水吧啲嘢啦！你想Alton教定我教呀？唉呀但係而家我仲有啲單未搞掂喎！Alton你教佢啦！」
難得江𤒹生忙著而不能再唸他，呂爵安鬆一口氣且謝天謝地的走到水吧那邊，正好就是對著出菜口。這樣他工作的時候還能偷偷看著盧瀚霆在外面下單，偶爾會和李駿傑聊天並露出腰果眼，呂爵安好幾次都看出神了。
「喂呀！你又整錯喇！人哋係要咖啡少甜，唔係齋啡呀！」一天下來盧瀚霆第五次將飲料退回去，索性站在出菜口盯著呂爵安沖調。
「佢哋啲字冇你咁靚，我成日睇錯……」呂爵安將那杯冰黑咖啡推到盧瀚霆面前，「你飲唔飲？」
「又好啫～啱啱好提吓神！」盧瀚霆吸了好一大口，「你睇多兩日就慣㗎喇！唔明就問吓Alton吖嘛。」
「佢忙緊吖嘛！」呂爵安回答。
「咁……」盧瀚霆眼珠子一轉，「下次睇唔明叫我啦！淨係呢個星期㗎咋！」
「咁你咪呢個星期都會陪住我囉？」呂爵安隱約帶著期待。
盧瀚霆一窒，他說的這句話怎麼有些語帶相關呢？
「係呀！返工嗰陣咪陪你囉！」盧瀚霆拿過呂爵安剛弄好的飲料，迅速的轉身離開送餐。
剛好不讓身後的人看見臉上泛起的紅暈。
-
To Be Continued