Chapter Text
話說姜朝太平盛世，大街上卻見幾名宮庭護衛押著一名不斷掙扎、雙手被反扣到身後的男子，該名男子不斷呼叫，請求護衛快點放了他，一切只是一場意外…
看似很像官兵捉賊的畫面，唯一的違和感來自護衛前方的華麗轎車，旁邊的窗口伸出一個人頭:「Dee哥你唔好再嗌啦，我驚啲人以為我綁架你呀。」
「請問呢個陣勢，呢個排場，有邊忽唔似綁架呢?!」說完Dee哥好像想起不合禮節，咬牙切齒地補上一句：「阿皇上。」
轎上的姜皇聽到這個指控只是竊笑道：「咩啊，頭先講好咗摔跤輸咗你就要跟我入宮家嘛。邊度係綁架呢？」
「喂！點知你認真架啫！我都周圍同人講我係齊天大聖托世啦，點知今日遇著個真皇上架唧…」
「啲人唔係咁講架咩，出得嚟行預咗要還吖嘛。」姜皇還是笑瞇瞇的，露出了他的小虎牙。「你唔好嗌啦，有人送緊頂啱你身份嘅轎過嚟架喇，我哋好快會合，你忍多陣添啦。」
明明就唔係嘈緊要自己行路！Dee在心中吶喊。他本來只是一介草民，錯就錯在挑了今天選擇跟途人摔跤搵食，更錯的是胡亂接受某個奇怪貴公子的挑機。沒想到自己只是輸了一場摔跤，就要無端由一個普通的賣藝者，擢升成…成為…
他不知道自己剛才有沒有聽錯，姜皇說要賜給他的職位…但願他只是開玩笑。
但鑑於命運之神一向不垂青何啟華這個人，既沒有給他俊俏的長相，髮線也早早出現危機…他不敢想像入宮後，運氣會出現任何改變。
就是這樣，他何啟華Dee的宮庭生活，就不情不願地展開了——