Chapter Text
半年前
「呀撈！今次死喇！」李駿傑氣沖沖的走進盧瀚霆的房間大叫著。
「嚇死人咩咁大聲！咩事呀？」盧瀚霆反了白眼無奈的回應。
米：「我女神雷紫荊要訂婚呀！冇喇冇喇！」
撈：「咁咋，唔知以為你有絕症……」
米：「慘過有絕症呀！雷紫荊係當紅跳唱女歌手，佢訂婚喎！幾多男士個FF幻滅左，包括我呀～」
撈：「冇你咁好氣！今日教班教到好攰啦，冇咩事我走先！」
盧瀚霆是跳舞老師，憑自己努力創立了「AL Studio」，並夥拍李駿傑（人稱米米）營運舞室。由於他長得男生女相，多少年青男女都因為被他的外貌吸引而報名參加他的課堂，當然還有他出名的舞技，總令人雙眼離不開他。
今天是情人節，很多學生都為了約會而請假，而繼續出席的學生只有小數人，盧瀚霆決定提早通知所有學生今天所有課堂取消。
他小時因交通意外失去家人，身邊最好的朋友就是李駿傑，但可惜每逢過時過節李駿傑都要陪他的男朋友邱士縉，所以今天盧瀚霆要一個人渡過。盧瀚霆離開舞室後，見時間尚早，便到平常光顧的甜品店，品嘗他至愛的士多啤梨蛋糕慶祝「單身情人節」。
牧：「咦？今日咁早既？係咪約左朋友仔呢？」
撈：「係呀！佢叫凌少牧先生！」
牧：「玩嘢呀？我有阿田嫁！點呀？照舊？」
撈：「緊係啦！得你呢度既士多啤梨蛋糕先最好食嫁咋！」
牧：「賣口乖啦！不過今日冇堂食，因為準備收舖同阿田拍拖呀～嘻嘻！」
撈：「得！收到！咁我take away～」
盧瀚霆提著甜品外賣離開甜品店後正打算回家，誰知這個時候有一名男子忽然從後巷跑出來與他迎面相撞！盧瀚霆本能反應飛快地躲開，卻不小心的扭到腳踝，之後一不留神就跌向牆身，大叫一聲！未幾那個男子就很快消失於眼前，而隨後又有一位男子向著自己邊向跑來。
安：「頂！俾佢走甩左添！下次我一定捉到你！」
撈：「嘩，痛死我！哎呀！我個蛋糕呀！」
盧瀚霆眼見剛才因扭到腳夥的瞬間而把蛋糕掉在地上，委屈的叫著。
安：「小姐，你冇事嗎？你受咗傷？」
撈：「小姐？你叫我？認真？」
安：「條街得我同你，唔係叫你咁應該叫邊個？」
呂爵安不解的望著眼前的「可人兒」，雖然有著中性打扮，但水汪汪的大眼睛，加上嘟起來的心型咀及白得透光的皮膚，當下反應就覺得眼前人是位女性。
安：「頭先有冇見到一個可疑人物跑過？」
撈：「佢係咪可疑人物我唔知，但無啦啦喺後巷跑出嚟撞到我囉！而家扭傷左隻腳，你可唔可以……喂阿！」
呂爵安未等盧瀚霆說畢就跪在他面前檢查腳夥，輕輕攝起褲腳，就發現受傷位置已紅腫起來。那一瞬間的觸踫，令盧瀚霆有一種從熟悉又陌生的感覺。正當他還在沉思了解這種感覺時，他整個人已經被呂爵安公主抱抱起來。
撈：「你……放我落嚟先！你想點呢？」
安：「我帶你去睇跌打先！間接因為我令你受傷，所以我會負責任的！放心！」
「負責任？放心？咩料呀？」
盧瀚霆被呂爵安抱著時一直在想著這個奇怪男人的奇怪行為，但因他的熱情對待，盧瀚霆也不好拒絕，唯有尷尬地任由呂爵安公主抱。他抬起頭看著呂爵安的側面，鼻高高，黑實的眼睛，還有一股正義的眼神，令他內心深處牽起一絲絲的情感。他不是母胎單身，所以清楚了解這個感覺叫「心動」。
TBC