Chapter Text
Before.
—
「咁下禮拜嘅原稿就麻煩你啦！」江𤒹生用力拍打盧瀚霆的右肩，臉上露出滿意的笑容，「雖然噚氣但都想講，做到你編輯真係好～唔使我催又唔使點改，慳返我唔少功夫呀！」
「唔洗客氣，我份內事嚟嘅，而且我有靈感啫～」盧瀚霆禮貌的笑了笑，把江𤒹生的手掌挪開，揉揉自己發疼的肩膀。
「都唔知點解你咁好靈感㗎！啲細節仲要鬼死咁真實⋯大鑊！我趕住返公司呀！下個禮拜我再上嚟啦！」江𤒹生看了看手錶，發現時間已晚，連忙把這期的漫畫原稿收進公文袋裏，邊揮手邊往門口衝。
盧瀚霆定睛看着江𤒹生的背影，思考片刻後拿起桌上的鋼筆，朝着江𤒹生呼喊，「AK！」
「咩啊？」就在江𤒹生轉頭回應的瞬間——
「Heaven’s Door！」盧瀚霆對準江𤒹生的臉揮動鋼筆。
「啊啊啊！搞乜呀？！我、我塊面呀！」江𤒹生的右臉頓時裂開，臉皮變成書封面般自動攤開，本應血肉模糊的地方卻沒有半點鮮紅，只有密密麻麻的文字。
「咪嘈啦，等陣咪幫你變返囉！」盧瀚霆開始翻閱江𤒹生臉上的文字，一目十行後發出無奈的嘆息，「你人生再悶啲呀，除咗同男朋友仔啲拍拖嘢叫好啲之外，其他都無參考價值嘅⋯仲諗住俾多次機會你，唉下次都係唔睇啦⋯」
「點、點解你知我有男朋友嘅？你、你係咩人啊？」江𤒹生戰戰兢兢地問道，而盧瀚霆卻不在意的拿起桌面的鬧鐘，「點解你次次都問一模一樣嘅問題㗎，不過答完你都唔記得㗎啦，唔答～」
「吓？咁樣點會唔記得啊？！喂你做乜啊？！」江𤒹生驚恐地看着盧瀚霆拎起鋼筆愈走愈近，最後在他臉上開始寫字，「咪郁啦，好快完㗎啦！」
忘記15/01/2127 13:35-13:40 發生的事
「搞掂！」盧瀚霆把江𤒹生的臉皮輕輕合上，右臉的裂痕以飛快的速度癒合，在完全復原的頃刻，江𤒹生的眼底一顫，接着那熟悉的大嗓門又再響起，「咦？我企係度做咩啊？」
「你話想借把遮呀嘛。」盧瀚霆遞上雨傘，「快啲行啦，又話趕時間嘅～」
江𤒹生擼起手袖望向手錶，「嘩屌遲大到添！唔該哂阿撈！」然後頭也不回的推開大門，「咦？咁大太陽我做乜借遮啊⋯唉屌唔理啦！」
「Bye bye～唉⋯」盧瀚霆雙手抱胸，隔着緊閉的窗戶向江𤒹生道別後，優雅的走回去坐到工作台前，看着空白的原稿紙猛抓頭髮，「呀！我要靈感呀！！！」
—
我叫盧瀚霆，24歲，單身，是年銷量突破一千萬本，絕不休刊絕不拖稿的優秀漫畫家。在旁人眼中，我是才華橫溢、靈感源源不絕的後起之秀，但其實我有一個不為人知的秘密，就是我有超能力。
三年前的某一天，我在古董店看中了一支再普通不過的鋼筆，回家後迫不及待提筆作畫，結果剛把畫作遞到母親面前，母親的臉就變成一本書。
雖然合上就沒事，但記憶仍舊存在，看着恐懼的母親，我下意識再次提起畫作，但已經不再管用。於是我靈機一動，拿起筆在母親的臉上浮空作畫，一個戴格子帽的小孩就這樣憑空出現，母親的臉在被他碰觸後再度變成書。
小孩說他叫「Heaven’s Door」，那支鋼筆是媒介，只有有緣人才能召喚他。他說只有我想，望到出自此筆的畫，或直接在人前虛空作畫也能召喚他，被他碰到的人臉就會變成書，顯示那人的經歷。
「但頭先我無召喚你⋯」
「你第一次用未控制到啫～同埋畫只可以儲存一次能力，睇過再睇就無用㗎啦～」
小孩還說，我可以在不修改歷史的前提下，小幅度改寫人的習慣與記憶，我半信半疑的在母親的臉上寫下「忘記剛剛發生的事」，結果母親真的忘記了，也看不到我身旁，凌空的「Heaven’s Door」。
在那之後，我迷上了這項超能力，不斷窺探他人的過往，再消除他的記憶。有趣的經歷帶給我無盡的靈感，我畫了一篇又一篇的短篇漫畫，最終以極致的創意度和真實性成為時下炙手可熱的漫畫家。
—
「都估到你實ok㗎啦！」江𤒹生如常來到盧瀚霆的家取原稿，心滿意足地翻閱上面的內容。然而只有漫畫家本人清楚，他把僅餘的靈感也揸乾了，盧瀚霆心虛的哈哈兩聲敷衍著，舉起水杯以免被對方發現。
「係喎！今年3月就係出版社成立25周年，公司想個陣出本紀念刊，漫畫部要搞合集，你負責畫戀愛題材喎！」突如其來的消息讓盧瀚霆把嘴裏的水全數噴到江𤒹生臉上，瞪大雙眼難以置信地問，「吓？！你唔早啲同我講？！同埋我都唔識畫戀愛題材！」
江𤒹生抹掉一臉水漬，濕漉漉的手掌在盧瀚霆的衣服上亂蹭，「公司話想搞新嘢，唔俾你哋畫返畫開嘅題材呀！同埋依加先1月尾，仲有兩個月夠做啦！」
「你霎時間同我講，要我點嘔篇漫畫俾你啊？！仲要我本身都連載緊㗎嘛！」盧瀚霆嫌棄地推開江𤒹生，斜看着身上的數枚濕手印。
「喂使唔使咁呀，你噴到我成面水先嘅！」江𤒹生輕輕反了反白眼，繼續說起紀念合集一事，「都係廿幾三十頁嘅短篇啫，你出哂名多靈感㗎嘛，驚乜啫～」
「咁你都知我出名係夠真實㗎啦！依加係戀愛題材喎！」
「乜你無拍過拖咩？」
「⋯邊個話㗎！我係⋯耐無拍拖！做漫畫家好忙㗎！」盧瀚霆故作鎮定地大聲反駁，睜大圓眸直視江𤒹生審視的目光，對望數秒後，「哈哈！咁得啦，有經驗就難你唔到啦！記得呢兩個月好諗好畫啦，同埋無得休刊㗎！」
不顧盧瀚霆的阻攔，江𤒹生把事情交代完後，收好漫畫原稿就往門外走，完全無視身後的怒吼聲。盧瀚霆狠盯着無情編輯的背影，最後還是灰溜溜地回到工作房的座位上。
盧瀚霆很著重故事的邏輯發展，因此才會參考各類文獻和眾人的真實經歷，用以還原細節和貼合現實。可是這樣心思縝密的漫畫家卻死活不碰戀愛題材，原因不外乎就是母胎單身，沒有實質經驗作參考。
雖然可以借鑑的戀愛經驗有很多，包括江𤒹生，但盧瀚霆卻堅信著，只有親身體驗過的經歷才有助他畫出最好的作品，無法引起他共鳴的往事都只是故事。
盧瀚霆輕嘆著，從褲兜裏拿出手機，點開App Store後搜索「交友app」，選了評價最高的那一個程式，下載後並開設帳戶。
—
「Hi～你好靚仔呀⋯啊搞唔掂啊！！！」
「我叫Kelvin，做I Bank嘅，我——」
「要唔要上房交流吓～嗯～」
「靚仔你副body好正喎～」
「你畫漫畫搵唔搵到食㗎⋯？」
「你唔係真係諗住係交友app搵真愛咁單純啊？！」
⋯⋯
「救命呀！無個正常㗎！！！」已經用交友軟體約見好幾人的盧瀚霆崩潰大喊道，那些對象不是用下半身思考就是瘋狂吹噓自己，要不就是盲目花痴或名利遮眼，害他用「Heaven’s Door」的動力都嚇沒了。
李駿傑看着眼前連番失利後一蹶不振、趴在桌上怨聲載道的盧瀚霆，左手托腮右手輕輕攪拌咖啡，悠悠地提議，「定係我介紹個人俾你啊？反正你都係體驗下拍拖啫，我介紹好過你係app搵個啲伏嘢啦～」
盧瀚霆抬眼望向對面的好友，下巴沒有離開桌面半毫米，「得唔得㗎⋯因間好老尷咪死⋯」
「唔會用下半身諗嘢、唔會吹水唔抹嘴、唔會花痴、唔會狗眼看人低⋯」李駿傑舉起手指一樣一樣數著，順勢拿起盧瀚霆的手機輸入那人的電話號碼，「點睇都好過啲kam友啦～嗱，你自己約佢啦！」
盧瀚霆凝視着手機畫面上，莫名奇妙被新增的聯絡人，本應一試無妨、應該不會更糟的心態，盧瀚霆還是發出了邀請的訊息。
—
翌日。
盧瀚霆再度來到同一間咖啡廳，他把李駿傑介紹的對象約在這裏見面。盧瀚霆沒想過邀約過程會如此順利和迅速，對方爽快的態度讓他先為其加上五分。
然而，當盧瀚霆看到一個劍眉星目，一頭吸睛的白金髮色，但穿了不合身的鮮黃色衛衣的俊男在對他熱情揮手打招呼時，真的想一走了之。
盧瀚霆無奈地扯出微笑，慢吞吞地坐到對象面前，心裏正為這位時裝品味嚴重出錯的人扣掉五十分，但這人卻毫不知情般，仍熱絡地向盧瀚霆示好，「hello～你就係盧瀚霆呀可，我叫Edan，呂爵安呀！」
「Hi⋯」盧瀚霆忍住想衝到李駿傑家揍爆他的激動，還是賣給好友一個面子，慢慢說起此次見面的目的，「多謝你咁爽快就應承出嚟見我，其實我係想⋯」
「Jeremy同我講咗㗎啦，佢話你係漫畫家，因為嚟緊要畫戀愛漫畫，但係你係A0無經驗唔識畫，所以想搵個人拍拖一個月體驗下呀嘛～」盧瀚霆還在斟酌用字時，呂爵安已經一字不差的替他把原委說個清楚。
“使唔使連A0都同佢講埋呀李駿傑？！！！”
盧瀚霆內心瘋狂咆哮著，臉上則保持一貫禮貌的笑容，「咁既然佢都同你講咗，咁我都唔講廢話啦，可能你覺得好無謂，但我真係——」
「唔無謂呀！」呂爵安打斷了盧瀚霆的話，「我覺得你為咗追求真實，特登搵人體驗拍拖好敬業呀！雖然我唔係好識漫畫，但我可以幫到你好開心、好榮幸就真！」
盧瀚霆一怔，看着對方閃閃發光的崇拜眼神，難為情的羞紅了臉蛋，故意用手擋臉別過頭，「多謝⋯」
然而，緋紅的耳垂還是出賣了主人，呂爵安沒有拆穿，燦笑着拿起一旁的菜單，不著痕跡地轉移話題，「講咗咁耐都口渴啦，要唔要試下呢度嘅rose latte？signature嚟㗎，唔算太甜又夠濃，啱晒你～」
「你又知我唔鍾意飲甜嘢嘅？」
「呃⋯Jeremy講㗎嘛⋯」
「唉⋯都估到⋯」盧瀚霆隨意翻閱另一本菜單，錯過了呂爵安臉上一閃而過的尷尬，「咁就聽你講要rose latte啦！你呢？」
「我都一樣啦。」呂爵安向服務生下單後，盧瀚霆便從手提包裏抽出一份合約，遞到呂爵安面前，「多謝你咁順攤，不過我有啲要求，你可以睇下之後再決定係咪真係幫我。」
呂爵安拿起合約，開始閱讀上面的條款——
一，合約生效期為30天，期間雙方為情侶關係
二，合約期間乙方須搬到甲方的住所一同生活
三，乙方需配合甲方完成「30日熱戀清單」之內容
四，除履行清單之內容外，其餘屬自由活動時間
五，雙方不得干涉對方情侶互動外之私人活動
六，乙方不得向第三方提及任何有關合約之內容
七，乙方無權中止合約，除非甲方同意或主動要求
八，合約結束後乙方將得到30萬元作報酬
九，若提前中止合約，乙方所得之報酬不會收回
十，乙方一旦違約，需賠償甲方50萬元正
「3、30萬？！」呂爵安因合約上的銀碼大驚失色，洪亮的嗓音引來旁人的側目，盧瀚霆則淡定地再抽出一張支票，上面正寫着15萬元正，「係呀，一日1萬，呢度15萬，剩返嘅完咗就會俾埋你，有冇問題？」
「其實⋯我係真心想幫你㗎，唔係為咗錢㗎⋯」呂爵安略顯焦急地解釋道，但盧瀚霆仍是一臉從容，謝過送餐的服務生後拿起玫瑰拿鐵細細品嚐，「我知，但我唔會要你白白幫手嘅～」
呂爵安看着盧瀚霆一臉胸有成竹的樣子，雖然不希望自己的善意被標上價格，但也不想就此錯過接觸這位漫畫家的機會，最後還是提起了筆，簽了合約。
盧瀚霆滿意地看着呂爵安簽好合約，主動向對方伸出手，「咁你聽日就搬過嚟啦，後日正式開始，另外要麻煩你自己填account number啦～」呂爵安望了望後握住眼前修長嫩白的手，盧瀚霆揚起了笑靨——
「多多指教，男朋友。」
—
To Be Continued