Work Text:
「喂？家......」
「點呀張生，依家『ar』唔available呀？」
張敬軒剛洗澡完不久就接到一通越洋電話，聽到的頭一句就讓他笑得眼瞇瞇的。「嘩......依家真係唔可以亂講嘢，咁快就知道嘅你。」礙於還沒來得及吹乾頭髮，他乾脆讓對方稍等，先關掉通話，然後將手機摺曲坐放在桌面上，重新撥通視訊電話，一塊蛋餅就出現在螢幕之上。
「咁邪惡嘅你......你知唔知我呢邊幾點？」
「打比你啫，冇預你會開cam喎，邊怪得我。」林家謙在調整好手機位置後，毫無罪惡感地將蛋餅放進嘴裡，瞥見張敬軒一臉牙癢癢的樣子，差點沒忍住臉部肌肉，連忙抿嘴轉開臉。
「死仔，仲扮，笑到咁明顯。」張敬軒邊擦著頭髮邊注視對方咀嚼時鼓起的臉，他總覺得有點餓了。「係出面早餐店？」
「冇呀，今日有啲熱，外賣返去食。仲有係你啲前陰遮住晒，睇錯咋嘛，邊有笑。」林家謙吞掉口中食物，再喝了口豆漿，此時耳機仿佛傳來一聲吞口水聲，不知為何耳邊一熱，趕緊把話題拉回正軌：「頭先部手機係咁震，睇返係Tyson send咗你粉絲錄嘅片過黎先知。做咩呀，想拍拖呀？」
「係呀，對面呢位靚仔，受唔受溝先？」
「溝咩，蛋餅溝豆漿要唔要？」
「嘶……」好餓呀頂。「我孤家寡人係異地，仲要畀人咁攻擊法，你有冇良心！」
「有㗎，依家食緊落肚。」林家謙淡定看身處英國的張·戲精·敬軒。「咁多人嗌你老公，你又叫人DM你，夜夜笙歌都得啦。係嘛，皇上？」
「Em，唔係……DM嗰個係契仔呀嘛……」雖然明知某人只是打趣，自覺爬升的求生欲還是令張敬軒解釋一番以挽救一把。
「又契媽又契仔，知你家族樹夠晒大棵。」
「咁你個棵都係咁大啫。」
林家謙聞言一懵：「吓？」
「我家下姓林，叫『林家仁』呀嘛！」
「想入贅？問過我呀媽未呀你？」
「咁我下次問下Auntie，順便問埋Uncle、Waffle……」
「喂。」林家謙被逗笑。「你呀，下下都係多口再搵嘢兜，小心有日兜唔到呢……」
「兜唔到都冇嘢驚嘅。」
「唔係驚唔驚嘅問題。」只係嫌麻煩，林家謙（嫌）心道。「你快啲吹頭瞓覺啦，夜啦。」
「想趕我瞓？錫啖先啦。」
「錫咩錫，成嘴油未抹……」
一方夜闌人靜，一方朝氣蓬勃，不變的是相連的兩顆心。
「我唔available喎。」
在台上，張敬軒看著眼前一張張看不清的臉龐，聽著源源不斷興奮的尖叫聲，在說出下句話以前，心裡補充了一句。
已經比某個姓林嘅喃豚歌手mark咗啦sorry，有緣再畀你哋真正為我歡呼。
END.