Work Text:
邻所隔壁合总在讲：绿谷出久该小歪，做事体忒伐识相。
侬问咋回事体，上两日爆豪胜己其啦姆妈还接发现，该小歪来地和爆豪胜己找对象，侬讲讲看该像闲话伐。
宁家爆豪屋里老有钞票哦，住独栋别墅哦，其啦绿谷屋里还住勒松江老房子里，介么侬忖忖看好勒，其肯定是看向宁家钞票。
真遭有该回事体？爆豪其啦姆妈我记得交关厉害哦啦，该咋弄哦？
所以讲绿谷该小歪本事大啊，阿拉合总忖该记总要吹勿嘚勒，胜己昨日夜到和其啦姆妈造孽，直接从屋里奔出去勒。真勿告话头。其啦屋里只其一个兒子，从小值嫡到大，其啦姆妈该回真真气死嘚勒。
绿谷出久该日夜头回到屋落，看见其啦男朋友爆豪胜己立勒其啦屋里门口。“咔酱，侬咋会来勒该头？”
爆豪胜己和平常日节一样火气交关大，和其讲：”阿拉姆妈晓得我来地和侬找对象，问还毋问就喊我和侬分手。我气伐够走掉嘞。“
绿谷出久心里忖：我本来就晓得我得咔酱找对象，其啦屋里早晚晓得勒合总要反对，伐过咔酱今朝该么个来寻我，我还是交关开心。
出久头垂落来，和胜己讲：”伐好意思，合总是为了我。“
胜己看了其啦男朋友介副样歪，火气亦加大，哆了其头和其讲：“伐好意思呐阿姆啊！！！！！我今密夜头困勒阿里还伐晓得！！！”
———————
TBC