Chapter Text
風信單箭頭下嘅九信真係悲劇嚟。
信去到青春期嗰陣發現自己夢入面會成日出現龍，初時都唔為意以為自己日有所思 夜有所夢，直到有次佢夢到龍好温柔咁望住自己然後錫落自己度嗰陣即刻醒咗，喺床上面呆坐咗一陣後就落床洗底褲。至此之後信就有意無意避開龍唔敢望實龍對眼，龍都feel到信有啲避佢但冇出聲，以為信入咗叛逆期就扮冇嘢，背後就偷偷叫啲𡃁睇實信一。
有日信一偷偷叫埋十二一齊出城寨飲酒，十二俾佢灌到湯哂，最後都係啲𡃁拖住十二翻廟街，信一自己跌跌撞撞咁求其狷咗入間酒吧繼續自己飲。點知間吧係大老闆個場嚟，王九嗰日都喺度睇場，信一一入嚟佢就知但冇叫人趕出去，淨係叫啲𡃁酒水乘十入龍卷風數。信一呢個樣九從來冇見過，佢見到信一從來都係意氣風發，被龍養得極好，一睇就知同佢唔同係被愛住長大。但依家嘅信就好似被淋咗雨嘅流浪狗咁，徬徨無助，眼入面盡是哀傷。信一叫嘅全部都係烈酒，九仲好好興致咁睇住信mark低佢飲過咩酒，然後喺價錢後面全部乘十，仲叫啲𡃁攞哂啲貴酒問信試唔試。
就喺信終於飲到趴喺度嗰陣，九心情好好咁就走咗過去信張枱問信
「喂靚仔，做咩自己飲悶酒啊？唔使翻去跟住你大佬？」講完仲順手摸咗信一塊面
「關唔關你事啊，搞掂你自己先啦」信飲到講嘢都一舊舊咁，手指指住王九臉上面個被煙頭焫出嚟嘅傷，但酒精令佢失去掌控自己身體嘅能力，指咗一陣隻手就無力咁放低，輕輕咁掃過九嘅胸口。
九即刻捉實信嘅手腕將信扯過去自己度同信講
「知唔知用手指住我嘅人通常有咩下場？上次嗰個得翻7隻手指再上次嗰個依家餵。。。。」
「王九你收聲得唔得，我頭痛。」信一講完呢句就喺九手入面抽翻自己隻手出嚟然後縮喺梳化度要瞓。
九即刻焫着 「你老母你當呢度酒店？要瞓躝翻城寨！！」轉過身叫啲𡃁打俾龍卷風叫佢嚟接人
「你鬧啦鬧啦我冇老母唔好阻住我瞓」講完呢句嘅信轉身背對九諗住繼續瞓亦冇走嘅打算。九激撚到喺周圍踱步行踢蹬叫其他客走，九冷靜咗陣諗咗諗叫停咗啲𡃁唔好打俾龍住叫人托信一上佢自己房。