Chapter Text
“阿sir抄牌呀！”正在拖地的鱼蛋妹一声大嗌，所有食客鸡飞狗窜，冲出去挪车。木林森小食店老细林杰森面色阴沈，佢激到牙痕，一个星期总会有三四次突袭，而且都系同一个人，蓝sir。
“阿蓝sir，今日又有何贵干？”林杰森脸黑过镬底，面对来者不善的蓝信一语气不善，佢翘着手，小臂布满青筋，谷到个波比平时大两倍，蓝信一睇到眼珠都就快跌落地，同埋佢啲口水。
“有市民投诉你小食店出边违例泊车，我过嚟检查咋，冇问题啩？”蓝信一𩓥高下巴，讲嘢串串贡，又大声，明明生得好眉好貌，但佢喺林杰森眼中非常面目可憎，十恶不赦！
“啲食客嚟食嘢冇位泊，食完嘢最多半粒钟就走，你差唔多日日嚟抄牌，想搞针对就直讲，咪做埋晒啲小人先做嘅嘢！”林杰森说话也是毫不客气，忍无可忍，无需再忍。
林杰森完全唔知蓝信一成日过嚟找晦气都系想见多佢几面，更加唔知蓝信一第一次嚟抄牌就对自己一见钟情。
唔识追人嘅蓝信一戚起嘴角，坏笑着靠过去，林杰森厌恶地侧开身，佢又唔死心继续黐过去：“咁老细你畀我抄你牌，我咪唔抄你啲客嘅牌囖。”
“吓？”林杰森瞬间对眼变咗两倍大，蓝信一讲嘅嘢太恐怖了，佢怀疑自己听错咗。