Chapter Text
“阿陳！做咩行得咁快啊你！恭喜你做左級長啊！”
從火車下來以後陳卓賢已經半走半停地等江𤒹生，奈何性格熱情奔放的葛來分多人緣太好，陳卓賢肯定對方在路上已經遇上了七七四十九個要寒暄幾句的朋友並跟九九八十一個沒那麽熟的同學打了招呼，所以他走得再慢都無補於事。往年江𤒹生會搭著他的肩強迫他旁觀自己進行社交活動，可今年他成為了級長要到級長車廂開會，級長車廂又在最前一卡，他下車時被人潮推著走完全無法逆流，這時他才發現這條去城堡的路並不如記憶般長，只是往年跟著江𤒹生走走停停才顯得這段開學典禮前的敘舊又長又豐富。
“你都唔差丫，魁地奇隊長。”
“嘻嘻，你知道左啦？仲諗住比個驚喜你，登登！係咪好靚呢！”
江𤒹生從兜裡掏出一個金探子造型的胸章放到陳卓賢手中讓他觀賞，胸章閃亮亮的很精緻，旁邊還附贈好友閃亮亮的視線攻擊，陳卓賢感覺自己心都融了一角，但他別扭地強壓下笑意，還調侃一句：“今年唔好輸比我地啊你地。”
“拿決賽你黎幫我打氣，我實拎個冠軍番黎比你睇……阿陳你幫我睇下我有無掛乜左？”
江𤒹生把胸章掛到長袍上，陳卓賢蹙著眉給他調整位置，突然不遠處傳來一聲驚呼，然後是一陣呼救。兩人立刻往河邊跑去，天色昏暗，陳卓賢抽出魔杖施了照明咒，發現有一個小男生掉到了河裡！他小跑衝下河岸，身後的江𤒹生慌忙拉住他：“你傻左啊你識游水咩？等我黎啦！”說罷就跳進了水裡。
“喂！小心啊你！”
陳卓賢在河邊焦急地觀察著水面，腦袋在急速運轉有甚麼可用的咒語，還好江𤒹生運動神經發達，沒多久就已經把人給撈了上來。
“阿仔你做咩咁唔小心跌左落河啊？定係你睇唔開跳河啊唔會掛番學唔開心啊有咩可以同哥哥講喎啊乞啾！嘩條河d水好凍啊你凍唔凍啊？”
江𤒹生一上岸就嘴巴就像機關槍般說個不停，陳卓賢本來還想罵他一點安全措施都不做就衝下水，但想到也是因為自己不諳水性才讓江𤒹生不得不下水，陳卓賢心裡有些過意不去，最後只是非常小聲地嘀咕一句：“下次用個泡頭咒先落水嘛…”
“係喎！點解我頭先無諗起嘅！你好醒啊阿陳！”
“咁細聲都聽到…”陳卓賢繼續小聲吐糟，邊給江𤒹生和對方救上來的小男生施烘乾咒以免他們一開學就感冒發燒要去找龐芮夫人加重學校的醫療負擔。
“點啊你？仲凍唔凍？”小男孩胖嘟嘟的，讓陳卓賢有點想起小時候的自己，講話也不自覺溫柔了些。
“暖番好多啦，多謝哥哥！”
“你點解會跌左落水嘅？”
“上面有怪物啊！好得人驚啊！”
男孩驚慌地躲到陳卓賢身後緊緊攥著他的長袍，三人一同往上望，一輛空蕩蕩的馬車停在小山坡上，在漆黑的夜空中顯得尤為陰森。
“嗯…你睇到佢地？佢地係騎士墮鬼馬。”
聽到陳卓賢的解釋後江𤒹生看向男孩的眼神變得充滿了憐愛：“唔怕啊下，佢地係黎車我地去城堡嘅，好馬黎架。我地一陣一齊坐丫等你唔洗咁驚…Oh shit！佢做咩飛走左啊！陳仔點算啊無哂馬車啊！”
剛才還在山坡上的最後一輛馬車突然飛走，三人努力地爬到坡上發現整條路已經空無一人，肯定是他們在下面耽擱了太多時間，老師們以為沒人了就把馬車都遣走了。
“點算好啊？”
“…騎掃把囉仲可以點。”
江𤒹生和陳卓賢默契地看向明顯是新生的男孩，同時露出苦惱的表情。
“啊靚仔，你以前喺屋企有無騎過飛天掃把啊？啊講起上黎識左咁耐都未問你叫咩名添。”
“…我今日同幾個人自介完之後佢地個反應都好奇怪，你地唔會聽完我個名之後掉低我喺度架可？”
“嘩咩名咁特別啊？講黎比哥哥聽下？”
“你地應承左我先！唔好掉低我！”男孩看起來很焦慮，這讓陳卓賢很疑惑他今天在火車上到底經歷了些甚麼。
“OkOk，我地勾手指尾好唔好？”
陳卓賢伸出尾指，男孩見機不可失立刻勾上，江𤒹生來添亂般也伸出尾指在他們相勾的尾指上亂撩一通。
“我叫姜濤。”
“啊！？”
江𤒹生停下他的尾指遊戲：“被選中嘅細路！？”
姜濤有點失落又無措地看向地面：“今日火車上面d人都係咁講，其實被選中嘅細路係咩黎？”
“你唔知道你係被選中嘅細路？”江𤒹生驚訝得嘴巴能放下雞蛋，姜濤搖頭表示自己一無所知。
“我屋企人都係普通人，我都係收到信先知呢個世界原來真係有魔法。”
陳卓賢適時地打斷了兩人的對話：“其實都係名一個姐，你想知嘅我地去到城堡慢慢同你解釋，我地再唔起行會趕唔切開學典禮。你應該未學過點騎掃把？我同AK你揀一個我地一齊飛。”
陳卓賢朝江𤒹生使了個眼色讓他把飛天掃帚拿出來，姜濤望望左又望望右，最後選了陳卓賢。江𤒹生倒也沒有失落，他坐上掃帚得戚地對姜濤挑眉：“拿咪話我唔提你啊細路我飛得好過佢架，你睇下我係今年葛來分多嘅魁地奇隊長，你有興趣嘅記得黎報名參加啊！”
陳卓賢忙著扶姜濤坐上掃帚但還是沒忍住回嘴：“你又知人地會入葛來分多嘅。”
“就算唔係葛來分多都可以搵我玩架，去雷文克勞搵阿陳又得，呢家21世紀仲邊有話淨係可以同番自己學院嘅人玩丫。”
“拿捉實枝掃把，坐穩啦喎。一、二、三！”
TBC