Work Text:
臨時決鬥 林雪 x 莫嘉莉
係一個風和日麗嘅下晝，雪總約師母出來吃下午茶，製造一個閏蜜約會-依個係雪總嘅諗法。
而師母就冇咩idea，不過有人請食嘢，有甜品食，就無所謂嘅，食餐飯姐～
2個女仔，咩都講，由日常講到細個，再講返去最common嘅topic：拍拖
嘉莉知道佢真係分咗手，雖然都仲要打拳賽，但係都冇阻感情發展㗎，於是八卦咁問：
“係呢～ 撇走咗隻電動龜 有冇咩打算啊”
“點都打完拳先㗎啦 不過我可能好難再揾個啱key嘅”
師母真係覺得依個妹妹 ps八婆 好鬼得意：
“傻女嚟嘅 你個market仲好大嘅 唔好就咁頹咗啊”
“你又啱啊 但係好難揾到自己真心鍾意呢”
“依個世界男人咁多 鍾意咩type啊～？講嚟俾師母聽下”
“我啊。。。聽我講嘢囉 夠溫柔 其他都可以再夾”
“吓 完啦... 咁你有冇咩例子啊”
其實嘉莉係有少少心思，想湊合佢同高秋嘅。畢竟個傻仔係就係有啲直同呆，不過份人唔差 ，性格又好。
“你囉 師母” “我？？”
嘉莉聽到個下已經有啲mindblow，正想話佢冇大冇細個時-
雪總又話：“其實有幾多人可以好似師母你咁 又靚 又會聽人講嘢 又唔嫌棄。師母啊 你真係好好啊”
依句“你真係好好啊” 直接令到嘉莉有啲lack機，唔知點答返佢，只好飲返啖咖啡平復下心情。
“其實呢 師母我好多缺點㗎 你啊... 妹妹仔 睇唔出姐~”
嘉莉講完依句，食啖cake諗住可以結束依個對佢嚟講真係好尷尬嘅場合
“師母啊 你唔好咁講啊
俾着再以前 你仲未結婚 我真係會追你㗎”
雪總向來直率，依番話，絕對唔係咩客套說話-係佢嘅心底話！
嘉莉聽完依句，隻叉差啲插親，啲cream hi到嘴唇邊，雪總即刻以拍背脊去安撫返嘉莉嘅驚恐嘅情緒，同用餐巾紙去抹乾淨個嘴唇邊。
依2下嘅舉動，令到嘉莉完全唔知點反應，耳仔紅哂，相信已經代表咗佢嘅狀態。
“師母 你真係好得意啊”
完。