Work Text:
［今日邱士縉story大癲！］
#1 金髮豬仔的夢裏會有大隻巨龍嗎 ［樓主］
痴線今日巨豬嘅story發生咩事😭😭😭😭
又戒指又百合咁
百合百合百年好合啊😭
佢哋係咪要結婚啦😭😭😭🙏🏻🙏🏻🙏🏻🙏🏻
————————此帖只能討論「巨龍與豬仔」相關，其他話題管理員會刪除哦。————————
#2 豬龍入水
cls會唔會sweet得濟
#3 巨豬催婚小組
巨豬…求你地 嚟台灣簽紙🌞😭
#4 手繩關注組
點解真係我每一次唔開心佢哋都會出嚟派糖㗎🥹🫶🏻🫶🏻
#5 #978154
樓上嘅請你繼續唔開心好嗎
（講笑講笑 希望你食完糖會開心翻💜
#6 手繩關注組
哈哈多謝 已經俾巨豬氹翻喇🥹🥹
#7 李駿傑是邱士縉的豬仔
啊啊啊 巨豬會搞草地婚禮定海灘婚禮呢
#8 巨豬個女
潔癖座應該唔會俾條婚紗（？？？）整到全部都係沙
#9 你也喜歡巨豬嗎
咁係咪佢哋兩個都著西裝就可以喺沙灘搞🤔
#10 巨豬個女
今年Stanley個生日會主題係咪就係暗示…
#11 李駿傑醉在愛中
佢哋會一齊著黑色/白色西裝 定係黑白配呢
#12 你也喜歡巨豬嗎
不如準備曬三套俾佢哋換🙏🏻
#13 係你錯！
Mirror邊啲係伴郎邊啲係伴娘呢
#14 李駿傑醉在愛中
AL Jer Edan係伴娘應該走唔甩
#15 巨豬請結婚
好期待佢哋點玩Stanley，到底Stanley會唔會接唔到新娘㗎
（Jer：Stanley係我嘅玩具
#16 手繩關注組
Jeremy可能會睇睇下覺得佢哋玩得過份得濟 自己跳上車同Stanley走咗🤭
#17 係你錯！
：我嘅Stanley得我先可以玩！
#18 XX99
喂呀巨豬你地結婚 咁我XX點算😭
————系統警告：「XX」為「巨龍與豬仔」社群屏蔽字眼，#18 「XX99」已被系統禁言15分鐘懲罰。————
#19 邱士縉中了一隻名為李駿傑的毒
巨豬官宣之後仲有人食佢哋嘅其他cp嗎？
#20 你個fd好叻
隔離食啲人食得好邪㗎，話鍾意NTR喎😐🙄
#21 邱士縉中了一隻名為李駿傑的毒
食邪教都算啦，咪過嚟呢邊講啊嘛，仲要明知會俾人屏蔽禁言嘅。
#22 其實豬仔眼裏只有巨龍
佢哋純粹唔底得我地巨豬咁甜～
#23 巨豬請結婚
巨豬啊，你地結婚嗰陣可唔可以請我去，我會封十萬蚊俾你地
要求唔高，濕吻十秒俾我睇呀
#24 1111111
巨豬啊，你地結婚嗰陣可唔可以請我去，我會封十萬蚊俾你地
要求唔高，俾我同Edan坐同一台啊
#25 7777777
巨豬啊，你地結婚嗰陣可唔可以請我去，我會封十萬蚊俾你地
要求唔高，俾我同Lolo坐同一台啊
#26 08200908
@樓主 @管理員 麻煩清清樓上兩個🙏🏻 thank you
#27 金髮豬仔的夢裏會有大隻巨龍嗎 ［樓主］
我清唔到啊😭要等管理員
#28 排隊做巨豬對戒指
omg我個名琴日先改，原來我通靈成功
#29 我咩都踢唔到
樓上太勁啦 你原本叫咩名
仲有 隊尾喺邊
#30 邱士縉中了一隻名為李駿傑的毒
係囉 隊尾喺邊
#31 仲喺亞博發緊高燒
係囉 隊尾喺邊
#32 金髮豬仔的夢裏會有大隻巨龍嗎 ［樓主］
係囉 隊尾喺邊
.
.
.
#60 排隊做巨豬對戒指
太長喇睇唔到隊尾，應該喺世界另一邊掛
我之前叫「排隊做巨豬對手套」
#61 巨豬花女
clssss啱啱起身見到啲咁嘅嘢😭
巨豬啊巨豬 你地叫我今日點樣專心上堂
#62 外國的空氣是有春藥嗎
樓上你而家先起身過緊咩時區😂😂
miss曬啲精彩嘢喇
#63 巨豬花女
英國啊 順便答埋你外國嘅空氣冇春藥
不過巨豬可能會帶埋春藥去旅行囉😭
#64 是人是神唔重要｜重要嘅係豬仔是零巨龍是一
希望佢哋honeymoon嗰陣兩個去三個翻🧎🏻♀️
#65 你都唔差
樓上你個名……
但係點樣三個翻……喺唔知邊度領養個b翻嚟？
#66 是人是神唔重要｜重要嘅係豬仔是零巨龍是一
Oh shit ABO睇上腦唔好意思
#67 每日搵個地方摸下嘛
😂😂好好笑
不過我地啲寫手大大開始產糧未
#68 是人是神唔重要｜重要嘅係豬仔是零巨龍是一
我！要！睇！到！洞！房！花！蠋！夜！
#69 巨豬色色使者
幫緊你幫緊你
「邱士縉不知道從哪裏找出了一條白色紗裙，遞到李駿傑手上。
『要試下著婚紗俾我睇嗎？』
李駿傑本是抗拒的，但看著邱士縉水汪汪的眼睛裏透露出期待，長呼一口氣，拿著紗裙就跑到洗手間裏把裙子換上。」
#70 巨豬請幸福
啊啊啊啊啊寫！快啲寫！
#71 我最愛的豬仔
而家睇睇下story隻戒指唔似結婚/求婚戒指喎⋯⋯
#72 巨豬請幸福
可能真嗰隻唔想影出嚟？
#73 每日搵個地方摸下嘛
怕大粒得濟嚇親我地😂😂
#74 巨豬花女
夢一個邱士縉親手整戒指俾李駿傑🥹
#75 你個fd好叻
可唔可以係龍龍同豬豬
#76 九尾狐在巨龍懷裏
綠寶石龍龍+粉鑽豬仔？😍
#77 金髮豬仔的夢裏會有大隻巨龍嗎 ［樓主］
或者銀色龍龍同豬仔捧著粒鑽石都得😭🫶🏻🫶🏻
#78 巨豬世一
真係屬於巨豬獨一無二嘅戒指啊😭
#79 上身TOOMORE下身JNUN
兩位老闆可唔可以出同款俾我地買
#80 排隊做巨豬對戒指
唔好啦 淨係得佢哋有浪漫啲
#81 上身TOOMORE下身JNUN
咁出個差唔多㗎啦 好想要
#82 褲襠下迷人的你
兩位老闆不如collaborate出個情侶系列
#83 外國的空氣是有春藥嗎
破產都買🏳️
雖然冇人同我著
#84 巨豬個女
我都係😭
#85 豬仔成功佔領巨龍肉體了嗎
cp狗每一次去拜月老都係祈求巨豬拉埋天窗。
而家佢哋成功咗，我係咪可以求翻自己姻緣喇？
#86 我認識當中最好的男人
建議兩個一齊求
#87 哦
仲記得嗰陣我同月老講我要用我一世單身換巨豬喺埋一齊
佢哋第二日就官宣咗
而我到而家都未有男朋友( ;ᯅ; )
#88 褲襠下迷人的你
巨豬都官宣咗四年有多喇喎？
#89 哦
係啊 真係好靈
#90 你都唔差
你喺邊度求😭我好需要
#91 哦
DM！
#92 每日催更巨豬channel直到佢哋出婚禮vlog
巨豬今日⋯會唔會甜得濟
我打幾多支胰島素都唔夠啦
#93 每日搵個地方摸下嘛
樓上大大你就快可以改名😂
#94 每日催更巨豬channel直到佢哋出婚禮vlog
等佢哋出咗我就改「每日催更巨豬channel直到佢哋出蜜月旅行vlog」
#95 巨豬花女
不如催咗求婚vlog先會唔會近啲😂
#96 排隊做巨豬對戒指
求邱士縉自製戒指vlog
#97 九尾狐在巨龍懷裏
好想睇Stanley未跪低Jeremy已經喊到豬頭咁😹
#98 巨豬世一
後期剪片嗰陣Jeremy會怕醜得濟 成part剪咗佢
#99 你也喜歡巨豬嗎
最尾個vlog得翻邱士縉set場係咪？
#100 每日催更巨豬channel直到佢哋出求婚vlog
好 改左名
希望佢哋個vlog有錫錫睇🙏🏻
#101 褲襠下迷人的你
就算冇真嘅睇佢哋可唔可以拍一個假嘅俾我地睇
#102 哦
幾時有bl劇俾巨豬( ´^` )
#103 金髮豬仔的夢裏會有大隻巨龍嗎 ［樓主］
想睇學生時代嘅巨豬🥹
#104 巨豬花女
想睇巨豬拍仙俠古裝劇🥹
#105 豬仔成功佔領巨龍肉體了嗎
想睇真正嘅大王同美人啊！🥹
#106 是人是神唔重要｜重要嘅係豬仔是零巨龍是一
巨豬搬ABO上大螢幕好嗎🥹
#107 每日搵個地方摸下嘛
救命啊你到底有幾鍾意睇ABO😂😂😂
想睇霸道總裁龍x嬌妻豬🥹
#108 豬仔成功佔領巨龍肉體了嗎
想睇巨豬師生戀🥹
#109 我認識當中最好的男人
想睇陰沉豬仔俾陽光巨龍救贖🥹
#110 手繩關注組
想睇狐仙愛上凡人🥹
#111 外國的空氣是有春藥嗎
想睇海王同天神🥹
#112 上身TOOMORE下身JNUN
想睇花店老闆同Gym Room老闆🥹
#113 你都唔差
想睇作家豬同佢筆下嘅人物（龍）一齊🥹
#114 你也喜歡巨豬嗎
想睇兩個黑社會大佬enemies to lovers🥹
#115 我而家跪喺度幫你拍片啊
想睇公主（？）同惡龍🥹
#116 巨豬請幸福
想睇竹馬竹馬嘅巨豬🥹
#117 邱士縉中了一隻名為李駿傑的毒
想睇豬仔吐花🥹
#118 其實豬仔眼裏只有巨龍
想睇Cafe老闆同長期喺同一間cafe sell保險嘅保險經紀🥹
#119 李駿傑醉在愛中
想睇巨豬俾人困喺不XXOO就出不去的房間🥹
（雖然好似唔出得街
#120 豬仔成功佔領巨龍肉體了嗎
佢哋活動個訪問出咗喇！
澄清咗唔係結婚，story啲嘢只係拍戲嘅道具。
但係Stanley話佢會向呢個方向努力嗰陣Jeremy好嬌羞咁打咗佢一下！！
#121 其實豬仔眼裏只有巨龍
痴線好sweet😭🥹
#122 巨豬催婚小組
我喺台灣等你地嚟 等到我地催婚成功嗰日！
#123 我而家跪喺度幫你拍片啊
最識撚cp狗嘅mirror成員非stanley莫屬……
#124 巨豬世一
啱啊，我地琴晚仲開心咗咁耐
#125 巨豬請幸福
「向呢個方向努力緊」啊嘛，一定會有呢日嘅
#126 金髮豬仔的夢裏會有大隻巨龍嗎 ［樓主］
諗翻起邱士縉channel張巨豬結婚相😐
#127 巨豬花女
哈哈嗰日個post開到五百幾樓 大家都以為佢哋真係影結婚相🥲🥲🥲🥲🥲🥲
#128 邱士縉中了一隻名為李駿傑的毒
唔好再講
唉 我地就係咁容易信佢地囉
#129 手繩關注組
其實佢哋拍MV隨手一影已經咁靚，真係影咁點算
#130 巨豬色色使者
我地應該可以掉底支筆唔寫嘢🧎🏻♀️
佢哋咁sweet其實唔需要我地(;´༎ຶД༎ຶ`)
#131 巨豬世一
巨豬完美示範正主如何逼死同人女
#132 你也喜歡巨豬嗎
下次可唔可以po結婚證書嚟逼死我地
#133 我咩都踢唔到
下次可唔可以po結婚證書嚟逼死我地
#134 哦
下次可唔可以po結婚證書嚟逼死我地
.
.
.
「你知唔知你po埋啲咁嘅嘢…會嚇死佢哋㗎？」李駿傑滑著手機，討論區的一條又一條評論惹他發笑。
「都幾好笑啊…有啲嘢講下講下就會成真。你話係咪呀，豬仔？」邱士縉把最後一件衣服掛上衣架，關上衣櫃門就撲到床上抱著李駿傑。
「都唔知你講咩」李駿傑笑著，手在邱士縉環抱自己的手臂上摩挲。
「結婚囉」邱士縉湊近李駿傑耳邊說。
「你正經啲求婚先啦，巨龍先生」李駿傑轉頭，嘴角幸福的笑意藏不住。
「啊，你話啊，我要唔要好似佢哋講咁，親手整戒指俾你呢？」
「嗯…你鍾意啦，買嘅都靚。但係如果你真係整咗嘅話，可能我會容易應承掛～」
「係咪㗎？我真係整㗎」
「喂，求婚呢啲嘢你唔係應該自己諗㗎咩？仲問我？我瞓啦唔答你」說罷就從邱士縉的懷抱中掙脫開，裹上被子躺好。
邱士縉摸了摸李駿傑的頭，起身關燈後鑽進被窩。
「早抖，準備要成為巨龍老婆嘅豬仔」
「嗯。早抖」
邱士縉等李駿傑熟睡後便拿出手機，認真地搜索香港哪裏可以自製戒指。
那班cp粉見到我如他們所說般自己做戒指給豬仔後應該真的會嚇死吧？