Work Text:
ona li toki e “sina wile e seme?”
mi toki e “ale.”
ona li mu musi li toki e “sina nasa. mi ken ala pana e ni tawa sina.”
mi toki e “la mi wile e ma pi telo ala.”
ona li toki e “ni. mi ken pali e ni.”
ona li toki e “sina wile e seme?”
mi toki e “ale.”
ona li mu musi li toki e “sina nasa. mi ken ala pana e ni tawa sina.”
mi toki e “la mi wile e tomo pi mi en sina.”
ona li toki e “ni. mi ken pali e ni.”
ona li toki e “sina wile e seme?”
mi toki e “ale.”
ona li mu musi li toki e “sina nasa. mi ken ala pana e ni tawa sina.”
mi toki e “la mi wile pini pona e utala ni.”
ona li toki e “ni. mi ken pali e ni.”
ona li toki e “sina wile e seme?”
mi toki e “mi en sina li moli ala.”
ona li mu musi (anu mu pi pilin ike) li toki e “sina nasa. mi ken ala pana e ni tawa sina.”
mi moli la ona li jo e sijelo mi
oko mi la ma li kama pimeja
oko mi la ona li ale
ale li weka