Work Text:
是日最後一個行程就是知名品牌的最新系列潤唇膏廣告拍攝。
陳卓賢從會議室走到停車場，連續打了好幾個哈欠，又用力的眨了眨眼睛，把頭往左右側了側作簡單伸展，雙手交替按著兩邊肩膀以放鬆已繃緊兩小時的肌肉。
「得啦得啦，知你攰啦！今日係辛苦少少，聽日放你一日假休息啦！怕咗你喇⋯⋯」
「花姐，唔使特登編我休息喎，我OK 吖」
「收啦，我排埋江𤒹生放假㗎，陣間你仲要同嗰條友拍廣告架嘛，費時到時佢又同我投訴話我好將你啲schedule 逼埋哂係同一日，虐待你呀！」花姐邊用車匙按下車門開關邊走到駕駛座時道。
「哦…」陳卓賢邊回應邊慶幸著對方看不見在口罩下自己在聽到戀人名字後臉頰兩側的深邃酒窩和甜美笑容。
車上，知道即將要和自家戀人見面的陳卓賢亦不忘取出保溫瓶把瓶內的剩餘一飲而盡。蜜液緩緩喝下，滋潤著自己的喉嚨，也滋潤著自己的心房。
心底不期然湧上一股又一股的暖流縈繞不散，睡意則隨著行車期間的微微搖晃而漸變濃厚， 眼皮亦逐漸變得沉重的陳卓賢就這樣緩緩閉上雙目進入夢鄉了。
當這「救命覺」睡得正香正寐，車子已不經不覺駛到了目的地, 陳卓賢也只是稍稍喬了喬身子打算繼續進睡，忽然一把聲音傳入耳中。
「攰吖呢？挨住男朋友仔膊頭瞓舒服吖呢？」
「唔嗯⋯⋯」
依然閤著眼睛的陳卓賢渾然不覺自己隨意的唯喏彷佛肯定了對方對自己的調侃，頭也不經意地往那散發著熟悉的葡萄柚及香根草淡香水氣味的頸項上蹭了蹭。
「咁挨多陣好啦，陣間仲要開工㗎」
「唔 ⋯⋯⋯⋯唔嗯？」
陳卓賢貿然睜開眼睛並抬頭望向上方，一雙半彎月形，右邊還有顆黑色「星星」作點綴的眼睛和因咧嘴大笑而露出整齊亮白的牙齒便映入眼簾。
「點…點解係你既？」
「係我唔好咩？」江𤒹生邊説邊伸手揑住那個剛睡醒還處於天然呆狀態的樹熊人兒的臉頰並往外拉了一下。
「喂～痛吖！」被調戲的陳卓賢稍稍拉開了點距離，睨了對方一眼然後便拉掉對方的手憐惜地搓揉著自己臉上的痛處來。
「咁我都冇話唔好…係冇諗過你突然出現 啫⋯⋯係喇，花姐呢？」
「佢呀⋯⋯入左去同阿Wing呀，導演佢哋打牙鉸呀，佢見你半路中途瞓到隻豬仔咁就跟手打左俾我叫我出定嚟門口上佢車幫手執屍……哎……唔係……接你啦！仲限我三個字之後好俾返架車佢啦，佢趕住返公司喎……點啫？一擘大眼就見到個靚仔係你面前係咪好開心、好驚喜先？」
「唉吔，你真係好煩呀，點解一見面你就要講萬幾二萬句嘢先安樂嘅？靜靜地唔得嘅咩？」
嘴上說不的陳卓賢雖則口中盡是嫌棄的話，但身體卻誠意地任由對方對著自己調情，左手還握著對方碩大的手掌十指緊扣著。
「係架~我好煩架～～我係隻最鐘意煩住樹熊仔嘅嗰隻熊貓仔黎架～」江𤒹生飛快地摘掉陳卓賢的鴨舌帽然後在額上落下了一吻。
「嗱⋯⋯依家就入去拍野先，今晚收工我有排煩～你吖！」說畢便打開車門，然後把鴨舌帽蓋回對方頭上再往下壓了壓，逕自的往攝影棚逃去。
「喂阿，你咪行咁快，等埋我呀！」被落在車廂中的陳卓賢也立馬攜著袋子狼狽地跟著身後追趕著。
「Ok, Ok ,Good Take！係係係Marf ，Candy 望望呢邊，係⋯⋯keep住keep 住」當二人步攝影棚，剛好接到相同廣告邀約的同門師妹所負責的部分亦已將近尾聲，只剩下最後一輪的大合照仍在拍攝當中。
「好！！AK ,Ian, 下組到你哋啦。」兩人迅速被推入後台進行著一連串裝、化、服的準備工作。對於這種商業廣告合作模式早已駕輕就熟的二人很快便完成相關宣傳片的拍攝工作，緊接著便是拍攝造型硬照的部分。
陳卓賢在接過潤唇膏後走到佈景中架設好的鏡子前抿了抿薄唇，先擺出一個冷酷俊朗的完美側面，然後再展露出招牌的「賢式微笑」，整個畫面已足夠讓人臉紅心跳，加上在場一些女性助理各種摀嘴尖叫、耳根通紅的反應來看應該有相當正面的評價，若忽略在某個角落所散發出的低氣壓的話。
其實陳卓賢於拍攝期間已不時以目光去掃視那個和自己同樣身穿黑色套裝的某身影，只見目標人物時而與預備室門外準備下班的師妹竊竊私語；時而又躲在鏡頭後方與導演一邊比手劃腳一邊，還摟著對方的肩，狀甚親密，心中不禁有點吃味。
而這一切都在換江𤒹生上場後得出了答案。
只見江𤒹生坐在設置好的雙人座椅上些微帶點輕佻及妸娜之姿地翹著二郎腿，把預先已拆掉包裝，與唇膏顏色相近的棒棒糖放到唇邊，還不時噘著嘴吸啜著或親吻著。
這讓本已被唇膏塗抹過一層晶瑩的稚嫩雙唇再加上經由唾液浸潤過的棒棒糖釋出的糖份所潤飾更顯得冶艷動人，配合著江𤒹生那濃密而卷翹的睫毛和生來好像便懂得展露魅力的靈動雙眸，每眨一下都彷彿有著攝人心魄的能力，讓人無法從其身上移開丁點目光。當然在鏡頭後方目睹這一切的某隻人形樹熊也不例外。
當在場的工作人員皆不可避免地被面前兩位俊朗不凡，英氣勃勃的大男生各種時而冷峻霸氣時而乖巧可愛的模樣俘虜時，他們都恨事前沒有把足夠的氧氣筒搬過來猛吸幾口來讓自己保持清醒，悲催地接受著眼前這對辣殺情侶所施放的「鏡頭魔法」接二連三地暴擊著。
「Cut!!!Good Take!!!收工！！！」隨著導演宣告拍攝結束，陳卓賢便逼不及待地拉著在啜著棒棒糖的江𤒹生的手説道：「陪我去廁所！」
江𤒹生先是一愣，然後説：「嗯？我都唔急！你去先啦，我去執定野擺上車先，費時到時再執吖⋯⋯」
「去！廁！所！吖！」陳卓賢再次加強語氣並扯住江𤒹生的衣擺不讓其邁開腳步，配合著那萬試萬靈的扁嘴攻勢，果然讓眼前這位「寵妻魔人」招架不住，高舉兩手作投降狀。
「好啦好啦，怕左你喇，是但喇，行行行！」
語畢，陳卓賢知道自己奸計得逞，就這樣一直拖著江𤒹生的手飛快地往洗手間步去了。
進門後，二人都不發一語，直至陳卓賢在流理台前甩乾雙手剩餘的水珠，再撥撥微亂的髮梢和瀏海時，江𤒹生也是一直倚在門邊，維持著那身靠瓷磚，左手插著褲袋，右腳踩在牆上，低著頭單手劃著手機的姿勢，正眼也沒有看過陳卓賢一眼。
即使當網癮少年發現手機屏幕因被黑影遮蓋採光不足而自動調低亮度時，江𤒹生也只是呢喃了一句：「搞掂嗱？行得！」
眼睛卻始終注視著手機屏幕，只是伸出手在搜索門把位置遂轉身拉門卻被身後人搶先一步把門按回去發出猛烈的「砰」一聲時，江𤒹生才順著那按在門上的手回頭睨了那人一眼，半秒後便瞇起眼睛、帶著微笑地自動開啟了開始「幫緊你幫緊你」的陳卓賢私人咨詢時間。
「喂⋯⋯想嚇死人咩⋯⋯做咩吖？又邊個惹我地陳少唔開心吖？等蛛蛛俠同你去教訓佢！！」
「好吖，咁麻煩你見到佢幫我狠狠咁教訓下佢啦喎⋯⋯」陳卓賢故意在"狠狠"二字上作出強調。
「好！講啦！係邊個？咁蝦我陳仔？未死過定啦⋯⋯嗯？」
「佢吖⋯⋯係一名中國籍男子，年約卅十歲，身高1米77，體重58公斤，粗眉、鼻高、右眼角有粒淚痣嘅，一家人有阿爸阿媽，仲有一個阿哥同細佬，仲有養貓，一隻叫芝麻，一隻叫mimi ⋯⋯呀，唔記得咗講添，佢叫江畢生吖，佢成日都覺得自己個名中間個字好難寫好麻煩，仲要成日寫錯自己個名架佢，咁就麻煩你幫我搵搵佢啦⋯⋯」陳卓賢率先玩起了「尋人」的把戲來考驗對方。
「好⋯⋯呢位市民提供嘅資料非常詳盡同充足，我相信你好快就會搵到佢架啦⋯⋯goah goah ，Calling總台，收到一名陳先生的報案 ……」深諳戀人脾性的江𤒹生亦接得完美無暇。
「喂啊～好啦～江𤒹生！講正經啦」
面對著對方七情上面的表現陳卓賢終於也沒有忍住而笑場，但很快便收起笑意，正經百本的問。
「你係咪應該有野要同我講呀？」
「咩呀？冇呀！你講咩呀？冇吖…」
當江先生交出了所有男友被質問時身體自我防護機制產生下最原始的概有答案，陳卓賢不禁「哼」了一聲然後苦笑了一下。
不難看出如此等劣質的答覆對於擁有著蓋世「港女」性格和脾氣的眼前人來說可說是一種侮辱。
「真係唔講？」陳卓賢提高語調再次詢問道。
嗶嗶嗶⋯⋯看來林寶堅尼和AUDI的落山競賽要開始了。
江𤒹生飛快地在腦海中重新校對著由今早六時三十七分預備早餐開始到目前為止將近快十五小時的時間段內，逐分逐秒的掃瞄一遍自己到底哪裡出了差池惹自家樹熊不滿而不自知。
「今朝你⋯⋯」AUDI踩了踩油門引擎高速運轉著，虛張聲勢。
「哦….今朝呀，訪問辛苦曬喎，又要你幫手擋」江𤒹生伸出手摸了摸陳卓賢的頭續説「啲記者係咁㗎啦⋯⋯不嬲都鍾意揭人瘡疤㗎啦，三年前入行就已經預咗啦，冇事嘅！」林寶堅尼的行車波段由五檔推上到二檔。
陳卓賢撇了撇咀。
「咁晏就呢⋯⋯」AUDI極速拐了個彎繼續追擊。
「晏就？喔喔⋯⋯個愛心飯盒係咪正先？我用咗成啖心機整㗎，有冇睇我啲Memo紙先？係咪好細心呢？我壺紅棗水有冇飲哂架？睇過⋯⋯」
江𤒹生捧起陳卓賢的臉輕輕地先往左邊扭一下再往右邊扭一下「冇事呀……又冇水腫冇性，咪又係一樣咁靚仔，都係我一樣咁愛嘅陳仔！」說罷，便親了陳卓賢的鼻尖一下。
林寶堅尼下坡性能相當良好，保持領先。
陳卓賢抿了抿咀。
「仲有頭先⋯⋯」AUDI 不甘示弱緊隨其後。
「頭先?⋯ ⋯哦！頭先⋯⋯哎呀，冤枉啊老爺，咁……咁你知㗎啦，有乜理由話拍潤唇膏廣告唔嘟嘴先得㗎，人哋廣告商要求到，我都冇辦法㗎嘛，近何況你知道我淨係會對住某一個人先會做嗰啲舉動咋嘛，平時我都唔係啲咁隨便嘅人嚟㗎……咁……咁你頭先夠特登chok晒樣，又甜笑又性咁，咪一人一次當扯平無數啦，好冇？」
林寶堅尼全速前進，左飄右移，守在頭位。最後䀚首闊步地衝過了終點。