Work Text:
是日第二個行程就是新歌研討會。
睽違半年多的時間沒有推出新作，粉絲們固然著急，但更心急的似乎另有其人。
在訪問差不多完成的時候，陳卓賢的電話傳來了一則訊息，通知欄上顯示為「花姐」：「陣間我同埋你去開會。坐我車，到左call你。」
畢竟整個2021年都只出了2首歌，再加上陳卓賢本人絶少使用社交媒體，粉絲們想更貼近他們的偶像也真的有那麼一點難度，當然以上情況並不包括某位可能正在家中與周公下棋的頭號Hellosss。
當陳卓賢拿著沉甸甸的行李袋步出停車場，壓了壓自家品牌的鴨舌帽，然後便快步地上了花姐的七人車。
「你平時唔係唔開呢啲會嘅咩？點解今次會陪我去嘅？」
「陳卓賢！你而家串我呢個經理人咁話嗱嘛⋯⋯我驚再唔黎呢，我怕我就嚟被你班hellosss啲inbox 炸死我㗎啦，一陣又話我偏心，一陣又話我冷落你吖，我已經週身唔得閒㗎啦，仲要理埋呢啲嘢，你話死唔死吖？所以我今次一定要黎，費事再被人公審我，咁到時我就仆街都唔掂吖。」
「哦~~~~你講粗口，你之前唔係post左 IG story 話戒粗口嘅，而家又講左點計先？」
「哎吔～～～～你個死仔吖，係咪跟得姓江嗰個太多學埋佢啲衰嘢串我咁話啦喎，好⋯⋯我就沖住你呢句，陣間我講一次粗口我就擺低一百蚊俾你，我話既。」
「嗱，講左就係架啦～」
「係啦係啦，我話你知而家好快啲爭取時間食下野恰一陣，如果唔係陣間又好似上次咁胃痛呀吓，你知你啦。工作狂人黎嘅，有野做就可以全日都冇野落肚既……係喎，頭先見你拎個袋好似擔泥咁既？裝左咩黎？」
「係喎⋯等我睇吓先。」
其實今早出門時，陳卓賢已經發現袋好像比平時重，但礙於時間緊逼，直到剛才都沒有閒暇去整理袋子，那趁現在的空檔整理一下順道把昨晚巳備好的能量棒和礦泉水拿來充飢，怎料伸手把袋子全都摸過一遍，能量棒和礦泉水沒找著，卻發現多了一個便當盒和保溫瓶。
正納悶這到底是怎麼一回事的時候，忽然看見便當盒上的一張便利貼：「biz biz ～～你以為你叫iron man 就真係鐵打架，食energy bar 邊度有營養架？一於試下Anson Kis’chen為你度身訂造嘅愛心飯盒啦~唔俾食唔唒架！！如果唔係我變身做spider man射啲蜘蛛絲出黎綁住你，biz biz ～～」陳卓賢對著便利貼沒好氣的笑了笑。
因為袋中的東西太多再加上沒空整理袋子間接為便當保了溫，便當盒拿起來依然微暖，但此刻更暖的是陳卓賢的内心。
打開便當盒更發現是內裏全是自己最喜歡吃的菜餚——西蘭花炒雞柳配上紅米飯，飯面還舖上了一隻邊煎得微焦，中間煎得恰到好處的溏心太陽蛋，輕輕剖開蛋黃，讓每口飯都均勻地拌上蛋液。邊吃著愛心便當邊看著車窗外風景的陳卓賢，不知怎的，他居然開始有些想念那個人了。
不消一刻鐘，顆粒不剩的便當盒已被擱在一旁了，拿出保溫瓶打算喝口水解解渴，卻又看到了另一張便利貼：「知你籠野啦，陳卓賢，唔飲凍野吖嘛！嗱，焗左花旗蔘蜜俾你呀，仲有杞子吖…補眼架！等你隻眼可以精靈啲，擘大啲望住嗰個好靚仔嘅男朋友嘛。P.S 仲有一日一個，醫生遠離你嘅蘋果添，係咪好sweet呢！？今晚見>3<」面對自誇當日常的戀人，陳卓賢無奈地翻了翻白眼，但逐漸上翹的笑容出賣了他。
「落車啦！我係就係戴左黑超但唔好以為我睇唔到吖，成程車係度淫淫笑，唔使問阿貴又係因為江𤒹生啦，真係見到都眼冤呀！！一個二個正仆….」
「哦～～～～花姐講粗口⋯⋯」
花姐連忙掩著口防止自己再説下去會真的會爆粗，「邊⋯⋯邊有啫⋯⋯冇⋯⋯冇呀，快啲攞齊野行喇！快啲傾完，然後快啲過去影樓準備啦。」花姐邊戳著升降機按鈕邊碎念著。
「Ian，我想你係新歌MV泳池嗰幕度好專心咁做一樣野，好似陷入左某一種回憶咁，但係我又未諗到做咩好，你有冇咩提議呀？」
面對著導演的提問，陳卓賢頓了頓。右手手心托著下巴，從小指到食指有節奏地輕敲著鼓起來的腮幫，費煞思量了一番。
忽然想起了袋子裡那人為自己準備的飯後果，打算給大腦些糖份補充劑來刺激思維運轉，順道可「自肥」地「睹果思傻瓜」一下。他用萌袖擦了擦表皮後遞到嘴邊小口小口的啃咬著，每一口都充斥著清甜果香及戀人心思。
不經意捲入思念的浪潮中，忽然導演指著陳卓賢大喊：「啱啦！就係咁喇！！我就係要呢啲啦！！！」
陳卓賢當下愣住了，想説自己並沒有做過什麼，事情就這樣「被」解決了。至於每後被問及為何會用「蘋果」當素材時，原本放空的人就像被雷擊中般貿然回過神來憨憨一笑，那就是後話了。