Chapter Text
人來人往的鬧市中，一對男女手牽着手緩步前行。
走在前方的人，一邊留心自己前面的路，一邊看緊跟在後面的人的腳步，以免被絆倒。
要兼顧前後兩方，前面的人雖然已經頻頻轉首，可是人終歸只有一對眼睛，顧得後時難免便瞻不上前⋯
「哎呀！」一下惺惺作態的痛喊引來市內所有人的注意
是個身形魁梧的市井之徒。
「喂！！」他對身前比他矮一個頭的人咆吼一聲「你行路唔帶眼嘎！條路咁闊，你老子我又生得咁英明神武，你都睇唔到偏要撞埋來，係咪五行欠打啊！」
錯在自己，亦想盡快平息氣波，被罵者連忙向大漢鞠躬道歉。
可惜，故意作俑者沒有就此作罷了事「哎吔？撞到人唔講對唔住不特只仲向人鞠躬？你係咪條氣唔順想咒我死，所以係咁向我鞠躬呀？你呢個人真係狠毒個喎！」
大漢的話令眾人為之嘩然。
被別人誤會了，當事人很想向大家表明一切，但是⋯有心無力。
此時，站在後面一直沈默的人終於開腔「呢位公子，唔好意思，內人向公子鞠躬並非有任何不敬之意，只係內人佢講唔到嘢，所以先用行動向公子致歉，令公子誤會真係好抱歉。」
「咩呀？乜原來佢啞嘎？」大漢鄙視說着，隨後看了身後的男子一眼，嘲諷一笑「哦？盲男配啞女，真係天生一對喎！」
聽到恥笑自己的話語，男子臉上不但沒有半點不悅，反而笑容可掬回答大漢「多謝公子讚賞，霆兒，我地走喇。」接着便跟妻子默默離開
穿過市集回到自家門前，男子愧疚說道「霆兒，對唔住啊，頭先你俾人當面奚落，我就咩都做唔到，我真係好無用⋯」
女子抓起丈夫的手，放在自己臉上，搖頭，然後牽着丈夫，用雙手表達出自己心中的說話。
【爵安，你係我一生中遇過最好嘅男人。】