Work Text:
在band rehearsal 的mirror正在唱出 Catch a Vibe。
「Catch a vibe , 約你去Catch a …」
「Catch a vibe!」
「AK, Ian 過兩日彩蛋係你地兩個呀~~」監察細榮對着AK和Ian說。
AK一臉驚喜：「我同陳仔喎？真係？你唔係講笑嘛？陳仔~~~今次演唱會我地可以同台啦woohoo~~~~」
陳卓賢搖了搖頭：「shuu。」
「你唔好咁啦，陳仔！高興呀嘛！」
「你靜啲…你有拎住咪咖嘛…」陳卓賢無奈地說。
「細榮，我地咁樣出彩蛋怕唔怕呀？做完可能又會有新聞….」陳卓賢擔憂的看着監製說。
「唔怕，上個禮拜呀撈同Edan都出左啦…要有新聞都佢哋誇張啲…當滿足下你地啲fans囉…你地諗下唱咩再話我知，今日決定好啦…」
陳卓賢一臉憂鬱的坐在旁邊，AK走到他面前說：「唔怕喎，傻豬。細榮又okay，花姐又okay，有咩事有公司撐住喎。仲有呀！仲有我呢個副隊長係到，怕咩姐！」
陳卓賢看着自信滿滿的AK搖頭失笑了一下：「諗下唱咩歌啦！豬兜！」
「蝸牛囉…..我哋都係得呢隻合唱歌咋嘛…」AK站在陳卓賢旁說。
「我唔要又唱蝸牛！」陳卓賢坐在AK旁，扁着嘴頭向上的看着AK說。
「你想唱咩歌啊？同你一齊唱留一啦？」 AK忍不住手，搣了摵陳卓賢的臉頰。
「都唔好……」
「咁你想唱咩啊？」
「我未諗到……」
此時熟悉陳卓賢習性的AK知道，陳卓賢心中已經有想唱的歌曲，他想AK自己說出他心中的答案。
「唱 Got U 啦？Oh helloss 全收到呀！」
「唔好啦……」
「咁正式開始？開始，開始有心跳……」AK邊說邊做出陳卓賢MV中的手勢。
「我第三日咪同皮皮一齊唱咗囉，豬兜！」
「係喎，咁你想唱咩啊？」
「我唔知道……」
//
終於來到了AK與陳卓賢進行彩蛋的日子，演唱會進行得如火如荼。
「Catch a vibe , 約你去Catch a …」
「Catch a vibe!」
「你地哎大聲啲啦！我地可能會再出黎咖～」隊長Lokman說。
Mirror全員在升降台一邊揮手一邊說再見。
降落到後台後，工作人員隨即先幫助AK及陳卓賢換衣服。
他們一邊換衣服一邊聽到粉絲們對Mirror的吶喊。
「Mirror! Mirror! Mirror! Mirror! Mirror! 嘩呀~~」
「Mirror! Mirror! Mirror! Mirror! Mirror! 嘩呀~~」
「Mirror! Mirror! Mirror! Mirror! Mirror! 嘩呀~~」
升降台緩緩升上，全埸粉絲歡呼喝采。
「叫啦！大聲啲呀！」AK自信滿滿的說。
站在AK旁的陳卓賢忍不住內心的興奮，嘴角也向上彎起了。
「你哋最期待嘅畫面出現咗啦！」AK說。
「咁易估嘅呢個組合都唔好玩嘅。」
「但係未夠大聲喎，我見好多人話要我哋一齊個喎！」
全埸粉絲持續歡呼喝采。
「有啲comment好過分㗎，叫我喺演唱會度試下撕開你件衫㗎！」
「吓？點解要咁做呀？」陳卓賢疑惑的說。
「唔知唔知，可能留言嗰個依家都坐咗喺度。」
「啲衫悉心準備㗎嘛，點解要撕爛佢啊？」
「所以我冇覆佢囉！」
「啱呀！」陳卓賢心想：”你今晚死梗”
「Hello！大家好，我哋係今日嘅彩蛋Ianson！」
「我係Ian。」 「我係AK。」
「佢好想同我一齊唱歌吖嘛，聽返嚟啫。」陳卓賢嫌棄的說。
「聽返嚟啫，係因為細榮好想我地一齊唱歌。」
「噢，係咩？」
「係咪呀？細榮！將個波拋咗俾細榮。」AK指着panel說。
「因為你上一次，你開頭早少少嘅彩蛋，同皮師傅拖晒手咁樣，咁所以呢我個心有少少唔舒服。」AK內心表示我呷醋！
「你年紀都唔輕啦…走黎呷醋……」
「okay，你呢句…冇事。」
「係咪呀！」陳卓賢伸出手與AK握手，心想着：“睇下你仲敢唔敢再呷醋”
//
站在升降台邊的兄弟們在等彩蛋完結。
「佢地講幾耐咖…唔好overrun呀……」 Lokman說。
「耍花槍不如完show返酒店先兩個自己耍？」Anson Lo說。
「算啦，撈豬！個日我地都係咁耐，佢地咪又係咁等 …」呂爵安摸着盧瀚霆的頭說。
「你兩個好啦下。樓上兩個肯唱歌未……」 大表哥Stanley說。
「差唔多咖啦，Ian差唔多停佢，唱歌咖啦。」Jeremy說。
//
「咁我哋唱咩歌啊？」陳卓賢適時的說。
「寫比你隻blue monkeys唱得好爽啦！」陳卓賢表示“宜家到我呷醋”
「唉！多謝多謝！多謝作曲人！」AK邊說，兩人又再次握手。
「突登要搵曬全部女仔dancer咁樣…..」陳卓賢表示”我宜家係呷醋，快啲氹返我”。
「善用公司資源呀嘛…」ops…AK沒有把握哄人的時機。
「仲有咩呀？蝸牛呀？」
「蝸牛聽過好多次啦喎！」
「下下出黎都蝸牛……」
「仲有啲咩歌？留一天唱過啦係咪呀？」
「你拍劇個陣有唱過…」
「你想唱嗰隻歌呀嘛」一定係太掛住我。
「係，我不嬲都鍾意唱你啲歌㗎啦！你啲歌好聽吖嘛！」
「嘻嘻！」陳卓賢忍不住笑了
成功哄到，危機暫時解除。
「咁我哋唱咩歌啊最後？」
「好！就係我同你，咁樣就Don’t Wanna Be Friends 啦！」陳卓賢說完，與AK對望失笑。
//
回想起選擇唱曲彩排的那天：
「我第三日咪同皮皮一齊唱咗囉，豬兜！」
「係喎，咁你想唱咩啊？」
「我唔知道……」
「Distance？」 AK再說出歌名。
「乜你依家好想同我有Distance咩？」 陳卓賢作怒的說。
AK聽了這句說話，知道陳卓賢的套路，便開口說：「我知啦！唱DWBF！你don’t wanna be friend with me! 因為你係我嘅boyfriend！」
陳卓賢站起來摸了摸AK的頭：「你終於估到啦……豬兜！」
「你過去同細榮講啦~」
AK便走去跟細榮說。當然細榮並沒有理解歌曲背後的意義。
//
歌曲前奏緩緩響起，兩人一同從主舞台走到小舞台。
陳卓賢：「如你會是水母我充當劍魚 於深海裡 抵擋一切傷損」
AK指着自己唱出改歌詞版：「卻似沒原因 恐怕只得你吸引 這男性密友可可可愛得很」
陳卓賢隨即展露甜蜜的笑容。
兩人搭着膊頭，摟着腰唱出：「共密友做戀人要小心 然而像你非一般紓憂解困 當我再徹夜去諗 想愛吻就要吻 浪漫不需等。」
兩人從小舞台走回主舞台：「想想你都講我聽 （聽聽）Don't wanna be friends聽聽我的心跳聲 Don't wanna be Friends」
在唱最後的friends時，兩人握緊拳頭與對方碰了碰。
「嘩！嗚！wow！」十位mirror兄弟亦從側邊升上來了，同時亦發出喝采聲。
「be friend be 咩呀？」隊長Lokman問。
「be…mr.stranger 」陳卓賢延續了mirror time的梗。
「好！喜歡嗎呢個彩蛋！」Lokman問。
粉絲們再次吶喊。
「喜歡就好啦，咁而家送第二個彩蛋俾大家！」
「一起相聚
一起鬥咀
一起經歷壯舉
到哪裡始終你我緊隨」
「(給我 一點點星光) 明天怎麼到訪 這空間裡 仍不只我一個 We are one and all 從不只我一個」
//
演唱會後回到附近的酒店……
「嘩！好攰呀~」AK一邊說一邊跳上床上。
「豬兜！沖涼先。污糟。」陳卓賢拍打着AK的腿。
AK站在床邊，準備動身去洗澡。
陳卓賢緊緊的擁着他：「多謝你呀！江𤒹生。因為你，我先有勇氣對住大家，多謝你。」
AK回抱着陳卓賢說：「洗咩客氣呀，我一路都係到喎…..講過陪你一世嘛。」
//
兩人都洗澡後，都躺在床上。
「呀~」陳卓賢突然叫了一下。
「咩事呀？」AK關心詢問着。
「有野未做…」陳卓賢邊說邊靠近AK。
「咩…咩…」AK還未說完，陳卓賢便把AK睡衣的鈕扣逐一打開……
「喂！陳卓賢！」
「你頭先係台上面話要撕爛我件衫…」
「係你件衫嘛…唔係我件衫喎….」
「啱咖啦！得咖啦！」
AK心想：大獲，頭先係台到原來係未氹到，危機解除唔到…..今晚死得啦….好彩聽日放假……
//