Work Text:
//
陳卓賢援援地張開眼睛，扭頭看了看熊抱著自己還在熟睡的人，看了一會兒後忍不住在人的臉頰親了親。
「嗯~」
「起身啦豬兜！」
「唔~」
「9點幾啦，你再唔起身就會遲到㗎啦。」
豬兜aka江𤒹生坐起來，然後雙腿跨坐在陳卓賢的大腿上。
「喂！」陳卓賢被江𤒹生的動作嚇壞了。
江𤒹生俯下身，雙手托着陳卓賢的臉，然後用力的親了親陳卓賢的唇。
擁著他在耳邊說：「賢賢，生日快樂！我愛你！」
陳卓賢輕撫著江𤒹生的頭，微微的笑著。
「起身啦，你要遲到啦~」
「唔要呀~花姐明知你今日生日，點解要將我安排今日見面祭姐，12個人，係要編我係今日㗎喎，咁我點可以全日痴住你呀，花姐都打橫黎㗎，我唔理呀，我唔要呀，我遲少少去都冇所謂㗎，要比花姐知到我抗議，等佢下次仲敢…….」
陳卓賢直接靠近江𤒹生的臉，親在他的唇上。
「好嘈。」
「咁係呀嘛，花姐又唔係唔知喎，我陣間點都比面色佢睇㗎啦！」
「豬兜！你有冇諗過今次見面祭嘅意義？你最後一次係九展呢個地方同生粉一齊嘅回憶黎㗎，你都唔想在場2000個生粉失望㗎嘛，係咪？」
「咁點喎，我真係好想全日都痴住你嘛…」
陳卓賢無奈的笑了笑：「宜家你似樹熊多過我似樹熊喎…」
江𤒹生扁著嘴看著自家樹熊，陳卓賢又再開口說：「咁啦，你乖乖地宜家去刷牙換衫準備，我做你柴可夫司機車你過去好冇？」
「真係㗎？你講真㗎？但你今日生日喎，要你做柴可夫會唔會唔係咁好呀……」
「會㗎！所以個條件就係你要乖乖地做好埸見面祭，之後你就要做柴可夫車我去慶祝！」
「更係得！壽星仔大曬㗎嘛！我去刷牙先啦！」江𤒹生連跑帶跳的走到洗手間。
//
在後台….
「嘩！陳！你做乜係到㗎？」花姐驚訝發現陳卓賢身處在見面祭的後台。
「陪佢。」陳卓賢用手指著旁邊的江𤒹生。
「洗唔洗咁黐纏呀你兩個。」
「花姐，你咁講就唔啱啦！你明知我隻樹熊今日正日生日，做咩咁多日見面祭，你係要安排我今日姐。」江𤒹生投訴著。
「大佬呀！副隊長，第一日你要錄新歌，第二日，大表，lokman幾個又要去katch the pop，最後個日已經有4個，仲點排你落去姐。我已經好好人咁幫你排做今日最早個個，你陣間爽手啲派御守咪可以早啲去咿挹囉。仲係到嘈嘈嘈，快啲過去補埋個妝先啦！」
「邊有嘈姐，咁人地想全日都痴住陳仔嘛，宜家又要…..」
「陳呀！唔該你，帶佢去補妝，唔好係到煩住我，我仲要去confirm下啲流程。再聽佢嘈真係頭都痛。」花姐拉著陳卓賢的手推他到江𤒹生旁。
陳卓賢拖著江𤒹生走到rainbow旁的化妝鏡前坐下。
//
「不想困惱困一世 不恭都總要玩世
假使腦裏太封閉 段段日子會浪費
好好的問個問題 怎玩至會更加曳
玩得起哪怕失禮」
陳卓賢在後台小電視看著自家豬兜唱著自己寫的歌，會心微笑地聽畢整首歌。
「兩隻歌係唔夠嘅，有啲咩歌係好耐冇唱比大家聽呀？」
「呀～～～信之卷！信之卷！」台下的生粉呼叫著。
「為何慢一點知道你為未來 感慨
陋習缺點如何改 如何改
我太自我 遲了沒時間為你改
為何未懂得相愛這耐力賽
為何未察覺到你每一秒忍耐
遲十秒 遲十秒 可惜我似蝸牛
等待結局來了方理睬 遲鈍的戀愛」
陳卓賢在後台看著聽著，被自家豬兜感動得雙眼起霧似的。然後又再聽到豬兜的聲音：「今日寫呢首歌個個人生日呀！生日快樂！」
陳卓賢想不到豬兜竟會在自己的專埸上提及自己，感動歸感動，但他也不動聲色看了看旁邊的花姐。
幸好，平日江𤒹生都經常這樣在不同的埸合或訪問有意無意的提及自己，以致今天他這樣的表現也沒太令花姐有怨言。
想著想著，感到肩膊傳來重量及熱力：「感唔感動？開唔開心？3隻歌2隻都同你有關！」江𤒹生的聲線從耳邊傳來。
陳卓賢扭頭看了看…….忍不住貼上江𤒹生的雙唇，陳卓賢微微張開了嘴，江𤒹生趁機把舌頭伸進陳卓賢的口中…
「嗯….嗯…..」
「咳咳！呀副隊長！洗唔洗咁忍唔住呀！大庭廣眾係個後台到同我打茄輪！」花姐原本想走進來告訴江𤒹生準備出埸派御守，誰不知一打開門便看見一具連體嬰。
在聽見花姐咳的聲音時，陳卓賢早已彈起與江𤒹生保持距離，紅著臉的低下頭。
「我真係保你大！唔該你出去快快手手派曬啲御守同我走去慶祝！」花姐對著江𤒹生說。
//
坐在Audi e-Tron GT電動跑車中，陳卓賢好奇的問著：「豬兜，你究竟帶緊我去邊呀？」
「嘻！suprise!總之你一定鍾意啦！你訓陣啦！到再叫醒你。」
「係咪㗎！我唔鍾意嘅咁點先？」
「我係邊個？我係頭號hellossss喎，點會唔了解你？乖啦，訓陣。」
陳卓賢便把座椅調低，然後靜靜的聽著音樂閉目養神。
//
在草間彌生的藝術展埸地中…
「點解你會知有嘅？我好想睇好耐㗎啦！但啲schedule full到爆，佢仲要展覽期咁短，我以為冇得睇㗎。」
「都話我呢個頭號hellossss好了解你㗎啦！我早一個月要買定飛㗎啦！」
陳卓賢深情的看著江𤒹生，一手擁著他說：「多謝你呀豬兜….」江𤒹生溫柔地摸著陳卓賢的頭：「我係你嘅頭號hellossss黎㗎嘛，你嘅所有野我都咁上心㗎。」
雖然陳卓賢知道江𤒹生玩世不恭的性格，但從來只要有關自己的事，他永遠都不會落單，認真對待。
//
「樹熊仔，肚餓未呀？肚餓帶你去食野好冇？」
「好！我地食咩呀？」
「去到你咪知囉！放心啦！你一定鍾意！」
//
「點解嘅？好貴㗎！」陳卓賢驚訝的說。
「你生日嘛，唔緊要啦！呢間日本燒肉主題嘅omakase好出名㗎！你隻食肉獸一定鍾意！」
//
兩人玩飽食醉地回到他們的蝸居，陳卓賢靠在床板上擁著江𤒹生：「豬兜，多謝你！」
「嘻！客咩氣呀！你比個機會我以後都對你咁好就得㗎啦！等你走唔出我手指罅！」
陳卓賢低頭的吻著江𤒹生，好好地感受著被愛的感覺。
「賢賢，生日快樂！Good night!」
//
END