Work Text:
「你條菜飲大咗喎，快啲過嚟接返佢啦。」
自從住在一起後，hallmate們總是拿蔡俊彥和呂爵安打趣，在他們面前喊他倆是「佢條菜」「佢條女」，最初喊這個稱呼時，他們會笑著罵其他hallmate白癡，後來也習慣了這個稱呼，甚至自己也會拿來開玩笑。
漸漸地，呂爵安發現這個稱呼背後會有一份特權。
什麼時候發現的呢？
飯盒裡特意不吃，留給他的肉；容讓他靠著的肩膀；明明堅持不讓別人坐下，卻讓他賴著不走的床。
還有那句輕得像吐息一般的話：「同埋，你話想呀嘛，我咪陪你嚟囉。」
身體比大腦更早反應，在轉過頭的一瞬間，他讀懂了那句話的重量。
明明是很講原則邊界的人，卻一次又一次地為他降低界線，再遲鈍的人，也不可能感受不到光源的靠近。
理解到這一點以後，他就開始善用了這一點。
「蔡仔，菜籽，菜菜籽——」
「做咩？」
「你係咪宜家落去攞衫？可摸以幫我拎衫牙？」
「你又唔去拎？」
「你係我條菜嚟㗎嘛，幫我拎埋好正常啫。」
「講到我真係咁想做你條菜⋯⋯」
「多謝蔡仔——」
最後還是一邊吐槽著他是要人服侍的少爺仔，一邊提著洗衣籃下樓幫他拿衣服。
呂爵安趴在床上，得意地目送蔡俊彥離開的背影。
每次都是這樣。
他很喜歡看著蔡俊彥一邊罵罵咧咧，一邊心甘命抵地幫他的模樣。
當別人問起蔡俊彥為什麼總是對呂爵安那樣好，笑他是「廿四孝男朋友」時，蔡俊彥輕描淡寫地：「其實冇嘢嘅，話哂都係我條呂，都應該要負責返嘅。」
路過的呂爵安還搭嘴說：「我都唔知道你有咁鍾意我。」
蔡俊彥嗤笑一聲，還裝作思索的模樣，說：「其實冇乜。」
「吓，咁你今晚咪返房瞓啦，你今日7街瞓啦！」
「唉冇眼睇你哋呀，成日喺度耍花槍放閃。」
於是，呂爵安有一點沒有跟蔡俊彥提過，他蠻喜歡這個稱呼的，彷彿就像是昭告世界，蔡俊彥就是他的，那些偏愛就只屬於他一個人。
與此同時，他偶爾也會享受著蔡俊彥對他的依賴。
譬如現在。
到了餐廳的呂爵安就看到不省人事的蔡俊彥倒在桌上，撈起來的時候，整個人看起來傻乎乎的，和平日傲氣劍手的形象大相逕庭。
啊唔係，平時係佢面前都係咁安狗狗。
「嘩，佢飲到咁嘅樣嘅？佢飲咗啲咩？」
「兩罐Apple cider。」
「吓？啲酒量咁差嘅咩？」
回去的路上，蔡俊彥靠著呂爵安身上，嘴裡念念有辭，呂爵安沒見過這樣的蔡俊彥，於是玩心一起，便拿起手機拍他。
「你講咩呀？講大聲啲。」
「我好鐘意你。」
聽到這裡，呂爵安頓一頓，換走那種嬉皮笑臉，像是害怕打碎夢境般，聲線也變得柔和起來。
「你鐘意邊個呀？」
「呂爵安⋯⋯我真係好鍾意呂爵安。」
呂爵安心跳漏了一拍，隨後又勾起一抹微笑，那種感覺像是剛打開考試試卷，就看得見所有的答案。
「我知啊。」
「咁點解你咁鍾意我嘅？」
「你係第一個入宿舍同我講嘢嘅人，你好體貼，我唔係好識講嘢，而你會幫我解圍，我好鍾意見到你笑嘅樣，好鍾意你講到自己夢想嘅時候嘅樣，全部都好鍾意。」
「平時你又唔講，我都唔知道你有咁鍾意我。」呂爵安靜靜地聽著對方吐露出喜歡自己的理由，心裡一邊覺得暖和的，但又有一點的酸澀。
他不是沒有試探過蔡俊彥的態度，衝口而出的「唔係朋友」是真的，水會上餘光中觀察對方的反應是真的，「同你一齊幾好」也是真的，只是對方淡淡的反應讓他覺得這是否只是自己的錯覺。
「但係我唔知你⋯⋯」因為埋在自己的鎖骨上，呂爵安只聽到對方迷迷糊糊的呢喃，卻聽不見內容。
「你講咩呀？講多次？」
懸著的心始終沒有得到對方的回應。
呂爵安停下手機的拍攝，垂眸看到對方擱在自己大腿的手，便把玩了起來。指尖對上對方微涼的指尖，然後滑到指縫間，合攏骨節，扣住了對方的手心。
「不如你講俾我聽，你有啲咩擔心緊呢？」
其實你只要肯講，我就會應承㗎啦。
冇計啦，鬼叫你係蔡俊彥咩。
嗅著對方的身上的氣味，感覺自己大概是沾染上對方的酒意，他有種想要向他坦白的勇氣。
「你宜家飲到咁樣先嚟講，我會當冇聽過㗎。一係咁呀，你醒咗就再同我講好冇？」
「嗯⋯⋯」
「嗱我而家拍片為證，醒左唔准反口㗎。」
———
蔡俊彥是被日上三竿的陽光照醒的，醒來後對著天花板眨眨眼，感覺自己做了一個很好的夢，卻記不起內容。他轉頭看著對面床的呂爵安，看到對方捧著手機笑得像個傻西瓜，注意到他醒來，便收起手機和笑意。
「你醒啦？」
「尋日我點返嚟㗎？」
「梗係你最好人嘅嗰位Roommate帶你返嚟啦，講明先呂朋友接送服務係要收錢嘅，陣間你要Pay返俾我。」
「Pay條毛俾你。」
蔡俊彥給他翻一個白眼，因為心裡想著覺得自己忘記了一件很重要的事情，於是道出心裡的疑慮：「琴晚有冇發生啲咩事？」
「你記得幾多？」
蔡俊彥皺起眉頭，竭力地想要捕捉任何一塊碎片，卻發現只是徒勞，只得搖頭。
「吓你咁都唔記得，你啲酒量真係好差，你只係飲咗兩支Apple cider咋，以後等爵爺同你飲啦，練吓你啲酒量，酒量咁差，以後俾人㨃冧咗，講咗一啲唔應該講嘅承諾，咁就大鑊啦。」
蔡俊彥敏銳地捕捉到關鍵字：「即係我有應承到啲乜嘢啊？」
「冇特別嘅，你唔記得就算啦。」
「你咁講，我係咪真係應承咗好大單嘢。」蔡俊彥撐著身體坐起來，側頭看著坐在鄰邊的人，試圖在他的臉上看出一點的線索。
呂爵安勾勾手指，蔡俊彥便向他湊近些，對方的臉與他近在咫尺，他莫名其妙地想到，這是適合接吻的距離。但他看著對方如此認真的模樣，繼而對上對方迷惘的眼神。
佢唔記得咗。
係咯，我期待緊啲咩呢，醉酒佬講嘅嘢點可以算數㗎。
佢唔講，總有佢嘅理由，我冇理由要咁樣逼佢去面對。
目光流轉間，呂爵安最終垂下眼眸，往後退了一些。
可是，轉念一想，呂爵安又覺得這樣好像吃虧了。
憑啲咩呢條友講咁多嘢擾亂心神，然之後可以就咁樣走咗去呀？
既然係咁，作為補償，我應該可以要多一樣特權㗎嘛？係咪？
想到這裡，呂爵安抬起眼，眼裡閃著狡黠的光。
「你話，之後攞到金牌，就要喺個頒獎台度將個獎牌俾我帶，你唔好走數啊。」
「吓，真係好大單喎。你係我邊個啊？你要我俾就要俾㗎啦？」
「話晒我都係呂朋友喎，咁梗係要俾㗎啦。」
「咪住先，但係你要點樣來頒獎禮？」
「咁我而家轉行做體育記者仲嚟唔嚟得切？」
蔡俊彥鬆了一口氣，但心裡又升起一股不安，他看著說推著他落樓去買午餐的呂爵安，總感覺哪裡不對，就像丟失了一個很重要的答案，而想不起來的他，只能眼睜睜看著答案遠離，卻無能為力。
「總之你下次飲酒就搵埋我啦，你飲唔掂都仲有我送你返嚟啊。」
「得啦，下次唔會。」
待到蔡俊彥關上大門，呂爵安靠著大門無力地蹲下，影片的最後一格停留在那個人靠在肩膀上的畫面。
唔緊要，來日方長，總會有下次嘅，他對自己這樣說。
只是在往後的日子裡，他們也沒有一起喝酒的機會。