Chapter Text
呂爵安同蔡俊彥係港大hall 1206室嘅室友，2個都好鐘意唱歌，成日將宿舍當係K房，完完全全係無視咗同房嘅陳卓賢。陳卓賢係一個好驚煩同埋嘈嘅人
「Edan同Ryan呀，我聽到隔離行緊過嚟啦！你倆個再唱咁大聲，我都保你哋唔住」
喺year 3呢年陳卓賢終於忍唔住啦，身為一個99% I嘅人，每日由朝到晚都要忍受有人喺自己休息嘅地方大聲高歌。雖然呂爵安同蔡俊彥堅係唱得勁好聽，但係陳卓賢真係好希望喺final year嘅夜晚真係可以靜靜地咁溫下書，準備考final，唔好打破自己由大一開始就冇fail過嘅紀錄。
呂爵安同蔡俊彥都深知陳卓賢已經忍咗佢哋好耐，就同意咗唔喺8點後練歌，要練都喺一個得3尺左右嘅隔音廁所練。
呂爵安同蔡俊彥每日夜晚都匿入廁所練歌，每次唔練夠1個鐘都唔肯出嚟。陳卓賢奈佢哋唔何，只係佢哋冇再騷擾陳卓賢，佢就冇打擾佢哋。
蔡俊彥突然之間同呂爵安對上咗眼，佢哋即刻移開眼神接觸。
「Ryan你個死人頭！你做咩咁望住我！人哋會怕羞架嘛」
「怕羞！？你鐘意我呀？」 蔡俊彥喺度挑釁呂爵安
呂爵安回敬咗蔡俊彥一個佢招牌的白眼。
蔡俊彥見已經差唔多10點，醒起聽日自己仲要call 0830去練劍，就冇理呂爵安，自己走咗返床準備休息，留低咗一面迷的呂爵安喺廁所度。
「你鐘意我呀？」呂爵安不停重複呢句說話
「係呀，我暗戀咗你3年有多啦！我好想同你講，但係好驚到時連friend都做唔成，你知唔知我忍得幾辛苦！蔡俊彥呀蔡俊彥，我真係好鐘意你呀！」 呂爵安一路行出廁所，一路自言自語咁講。
蔡俊彥收拾好聽日練劍要帶的行裝就瞓着咗，完全聽唔到呂爵安講嘅嘢。