Chapter Text
【關於排舞】
受訪者：全體
編：身為Mirror的其中一員，排練跳舞是必然的事。但是，在練習的時候，成員們是否真的完全投入認真呢？
事件憶述
事件1:平時我哋排舞嗰陣有時候要單獨教舞步，其他人可以趁機稍微休息下。但有啲人就係鍾意趁呢啲時候喺度親熱調情，有冇諗過排舞室有其他人㗎？
事件2:排舞嘅時候要認真當然會認真，但其實有時候排排下我哋都會跳錯，都會講下笑挽下咁。但係我覺得講笑還講笑囉，唔好攬埋一嚿得唔得啫⋯⋯
事件3:休息嗰陣口渴，有時候冇帶自己枝水，咁大家都幾年兄弟，分下好正常啫。但係⋯⋯我都已經離口飲啦仲想點呀，知道佢係屬於你㗎啦，唔好咁「醋」底啦⋯⋯
Lokman: 「我冇意見。」
Anson Kong:「心照啦唉。」
Frankie: 「得啖笑。」
Tiger: 「慣㗎啦都。」
Alton: 「開心啲啦，習慣就好。」
Stanley: 「嗰兩條友成日都排排下又調情㗎啦，未閃慣都要慣㗎啦。」
Jeremy: 「明明之前都好friend，宜家冷落咗勁多，重色輕友係咪人類本性嚟㗎？」
Jer: 「專心唱歌跳舞好過。」
姜濤：「學Jeremy話齋，明明之前都好friend，宜家就⋯⋯唉。」
Ian拒絕回應。
【關於出席訪問/活動】
受訪者：Lokman/Ian/姜濤/Stanley
編：訪問和活動也是Mirror日程裡常有的一項。不知道在這些情況下，成員們有什麼要分享呢？
事件憶述
事件1: 我記得嗰陣係開完演唱會冇幾耐接受訪問。本身我諗住行入去留喺化妝間練稿，點知我見到Edan喺度幫AnsonLo set頭。咁都算啦，我咪坐低喺旁邊練。點知一邊背一邊聽到佢哋甜言蜜語，膩到我要行返出去。
事件2: 嗰陣係幫一個節目做宣傳，咁我哋咪一字排開喺個台度囉。本身都規規矩矩，突然見到隔離AnsonLo喺度甜笑，我望一望後面，見到佢哋偷偷哋喺背後拖手。
事件3: 出席電台活動，大家一齊同啲節目主持人傾偈。咁唔駛問啦，佢兩個又坐埋一齊。咁都算啦，講講下Edan攬埋去，AnsonLo又真係唔理個節目會出街，照挨埋佢度，好似仲偷偷哋疑似錫咗佢塊面一啖。唔知最後節目組有冇cut嗰幕呢。
事件4: 《大叔的愛》咪有導賞團嘅。嗰陣我同佢哋兩個拍完返後台，本來諗住問佢哋去邊度食晚餐，啱啱開口就見到Edan田一雄上身攬住AnsonLo嗲佢話陣間要返去整炸雞俾佢食⋯⋯結果我突然唔肚餓，冇曬胃口。
Lokman：「算啦，反正回應問題嗰個都係我，都冇得唔接受佢哋喺後面做乜。」
Stanley：「咪就係拍完《大叔》出唔到戲，沉迷到一齊咗囉，我都唔知之後再有同《大叔》有關嘅戲要點頂。」
姜濤：「其實真係忍唔住想問佢哋你哋摸完未。」
Ian拒絕回應。
【關於演唱會】
受訪者：AnsonKong/Jer/Ian
編：線上和線下的演唱會Mirror都有過了，在勁歌熱舞的背後，又有什麼不為人知的事情呢？
事件憶述
事件1: 唉，都係嗰樣嘢囉。明明大家兄弟之間攬頭攬頸好正常，唱到興起搭下膊頭拖下手都ok掛。點知返到去化妝室落妝嗰陣見到Edan攬住AnsonLo條腰話咩啱啱AnsonKong攬完我都要攬⋯⋯嗰下我真係有啲委屈囉，真係體會到咩叫欲言又止。
事件2: 嗰陣唱歌，咁Edan喺我隔離又唱到有feel，咁我咪拖住佢囉。然後⋯⋯AnsonLo行過嚟我哋中間，左手拖一個右手拖一個。我仲記得佢對住我笑咗下，唔知點解燦爛到有啲心寒⋯⋯
事件3: 最驚三個人開演唱會⋯⋯其中一個攬住你另一個就會睥住你，講聲同其中一個合唱又現場表演呷醋，甚至合唱緊我俾一齊唱嗰個讚好聽都有得嬲⋯⋯下次有咁嘅演唱會大會可唔可以唔好再安排我坐中間，你唔會想知坐喺兩個耍花槍嘅人中間仲俾人當工具人係咩感受。
AnsonKong: 「只能夠話之後想再攬頭攬頸要睇下情況囉，廢事又打爛人哋個醋埕。」
Jer：「冇咩點嘅，不過有時真係聞到酸味囉。」
Ian：「其實我都拒絕回應兩次啦，點解仲要繼續問我，佢哋就算啦，你哋又有冇諗過我感受⋯⋯」
【完】